Revelasyon 2:7 - Labib An Kreol Seselwa

⁷ Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

Revelasyon 2:7 ပူးပေါင်းရင်းမြစ်များ

Zenez 2:9

SENYER Bondye ti fer pouse tou kalite zoli pye dibwa; zot fri ti bon pour manze. Dan milye zarden, i ti plas pye dibwa ki donn lavi e pye dibwa ki donn konnesans lebyen ek lemal.

Proverb 11:30

Fri en dimoun ki zis, i parey en pye dibwa ki donn lavi; me vyolans i fini par pran lavi.

Proverb 13:12

Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Proverb 15:4

En bon parol i parey en pye dibwa ki donn lavi; me en parol kriyel i kas leker.

Proverb 3:18

Pour sa enn ki sezi li, lasazes i en pye dibwa ki donn lavi; sa enn ki gard li byen, i ganny deklare byennere.

Ezekyel 28:13

Ou ti reste dan Edenn, zarden Bondye. Ou ti kouver avek tou kalite pyer presyez: Ribi, topaz ek dyanman, krizolit, beril ek oniks, safir, grena ek emerod. Tou ou bann bizou ek ornman ti annor prepare depi sa zour ki ou ti ganny kree.

Ezekyel 31:8

Dan zarden Bondye, okenn pye sed pa ti parey li; okenn brans pye dibwa pa ti zoli parey li; okenn feyaz pye dibwa ki ti parey son fey. Okenn pye dibwa pa ti annan en lonbraz parey pour li. Okenn pye dibwa dan zarden Bondye, pa ti osi zoli.

Matye 11:15

Sa enn ki annan zorey pour antann, tande!

Matye 13:43

Alor, sa bann ki obei Bondye, pou briye parey soley dan Rwayonm zot Papa. Sa ki annan zorey, ekoute!”

Matye 13:9

Zezi ti azoute, “Sa ki annan zorey, ekoute!”

Mark 4:9

Zezi ti dir, “Sa ki annan zorey pour antann, tande!”

Mark 7:15

Napa nanryen ki antre dan zonm ki rann li enpir. O kontrer, sa ki sorti dan leker en zonm ki fer li enpir.

Mark 7:16

Ekout sa byen! Sa ki annan zorey pour antann, tande!”

Levanzil dapre Lik 23:43

Zezi ti reponn li, “Mon dir ou, sa i laverite: Ozordi, ou pou avek mwan dan paradi.”

Levanzil dapre Lik 8:8

En lot parti lagrenn ti tonm dan bon later. Zot ti pouse; zot ti prodwir 100 fwa plis.” Zezi ti dir byen for, “Sa ki annan zorey pour antann, tande!”

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

1 Korentyen 2:10

Bondye in revel son sekre avek nou, par Lespri Sen. Annefe, Lespri i kapab egzamin tou, menm plan pli sekre Bondye.

2 Korentyen 12:4

La, i ti antann parol ki pa kapab ganny eksprimen, e ki zonm napa drwa repete.

1 Zan 2:13

Bann papa! Mon pe ekri zot akoz zot konn sa enn ki'n egziste depi o konmansman. Bann zennzan! Mon pe ekri zot akoz zot in ganny laviktwar lo Move.

Revelasyon 13:9

Sa enn ki annan zorey pour tande, ekoute:

Revelasyon 14:13

Mon ti antann en lavwa sorti dan lesyel ki ti dir: Ekri: Byennere aprezan, bann dimoun ki mor an kominyon avek Senyer! Lespri i dir: Wi! Zot kapab repoze apre zot travay, akoz zot bann aksyon i swiv zot.

Revelasyon 15:2

Apre, mon ti war sa ki ti resanble en lanmer an ver, melanze avek dife. Mon ti osi war bann ki ti'n ganny laviktwar lo sa bebet, lo son stati, e lo nimero ki koresponn avek son non. Zot ti pe debout lo lanmer an ver, avek dan zot lanmen, bann laarp ki Bondye ti'n donn zot.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Revelasyon 21:7

Sa enn ki ranport laviktwar pou erit tousala. Mon pou vin son Bondye e li, i pou vin mon garson.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.