Revelasyon 2:2 - Labib An Kreol Seselwa

² Mon konn tou ou bann aktivite, mon konn ou travay ek ou perseverans. Mon konnen ki ou pa kapab toler bann malfeter. Ou'n teste bann ki apel zot lekor zapot, me ki an realite pa vre, e ou'n dekouver ki zot bann manter.

Revelasyon 2:2 ပူးပေါင်းရင်းမြစ်များ

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Matye 7:23

Alor, mon pou reponn zot: Mon pa'n zanmen konn zot. Sorti la lwen ek mwan, zot ki pratik lemal.

Levanzil dapre Zan 6:6

I ti dir sa, pou teste Filip. Me li, i ti konnen deza ki i ti pou fer.

Galat 1:7

An realite, napa en lot Bonn Nouvel, me i annan dimoun ki pe trouble zot e ki oule sanz Bonn Nouvel Kris.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

1 Tesalonisyen 5:21

me egzamin tou keksoz. Gard sa ki bon,

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

Revelasyon 2:5

Alor, mazinen kote ou'n sorti pour tonbe. Detourn ou avek ou bann pese, e pratik sa bann aksyon parey o konmansman. Si ou pa abandonn ou pese, mon pou vin kot ou e mon pou tir ou portlanp dan son plas.

Revelasyon 2:6

Me la sa ki dan ou faver: Parey mwan, ou deteste sa ki bann Nikolait i fer.

Revelasyon 2:9

Mon konn ou bann soufrans, ek ou mizer. Pourtan, ou ris. Mon konn dimal ki bann swadizan Zwif, me ki pa Zwif i dir lo ou. An realite, zot form en lasanble Satan.

Revelasyon 3:1

Ekri Lanz Legliz dan Sard: La sa ki sa enn ki posed sa set Lespri Bondye ek sa set zetwal i deklare: Mon konn ou bann aktivite: Zot dir ou vivan, me ou'n mor.

Revelasyon 3:15

Mon konn ou bann aktivite: Ou pa ni fre, ni so. Ou ti devre swa fre, swa so.

Revelasyon 3:8

Mon konn ou bann aktivite. La mon'n plas devan ou en laport ouver ki personn pa kapab fermen. Ou napa bokou lafors, e pourtan, ou'n obei mon parol e ou pa'n renye mon non.