Revelasyon 2:16 - Labib An Kreol Seselwa

¹⁶ Aprezan, abandonn ou pese. Sankwa, mon pou vin kot ou byento e mon pou konbat kont sa bann dimoun, avek lepe ki sorti dan mon labous.

Revelasyon 2:16 ပူးပေါင်းရင်းမြစ်များ

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 49:2

In fer mon labous parey en lepe ki byen fite; in kasyet mwan dan lonbraz son lanmen; in fer mwan vin parey en dart byen pwenti; in protez mwan dan son sak fles.

Efezyen 6:17

Met osi kas delivrans lo zot latet, e pran Parol Bondye koman en lepe ki Lespri Sen i donnen.

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

Revelasyon 1:16

Dan son lanmen drwat ti annan set zetwal. En lepe ki koup de kote ti sorti dan son labous e son figir ti koman soley midi, ler i pe tap avek tou son larder.

Revelasyon 16:9

Dimoun ti ganny brile par en lasaler terib e zot ti ensilte Bondye ki annan pouvwar lo sa bann fleo. Zot ti refize repanti pour rann li glwar.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Revelasyon 19:21

Leres ti ganny touye par lepe ki ti sorti dan labous sa enn ki ti pe mont sa seval. Bann zwazo ti manz tou zot laser ziska ki zot ti rasazye.

Revelasyon 2:12

Ekri Lanz Legliz dan Perganm: La mesaz sa enn ki annan lepe ki koup de kote:

Revelasyon 2:5

Alor, mazinen kote ou'n sorti pour tonbe. Detourn ou avek ou bann pese, e pratik sa bann aksyon parey o konmansman. Si ou pa abandonn ou pese, mon pou vin kot ou e mon pou tir ou portlanp dan son plas.

Revelasyon 22:20

Sa enn ki ateste sa bann keksoz i deklare: Wi! Mon pe vini byento! Amenn! Vini, Senyer Zezi!

Revelasyon 22:7

Zezi i dir: Mon pe vini byento! Byennere sa enn ki obei parol profesi dan sa liv!

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.