Revelasyon 18:9 - Labib An Kreol Seselwa

⁹ Alor, kan zot pou war lafimen kot i pe brile, tou bann lerwa later ki'n komet move aksyon e fer letalaz larises avek li, pou plere e pou lamante lo son size.

Revelasyon 18:9 ပူးပေါင်းရင်းမြစ်များ

Zenez 19:28

I ti get dan direksyon Sodonm ek Gomor, e tou sa rezyon antye. I ti war lafimen monte sorti dan later, parey lafimen en fourno.

Psonm 58:10

Sa enn ki zis ava kontan ler i ava war ki vanzans in ganny fer. I ava lav son lipye dan disan bann malfeter.

Ezai 13:19

Babilonn! Sa pli zoli lavil dan rwayonm, lafyerte bann Babilonyen, pou vin parey Sodonm ek Gomor zour Bondye ti detri zot.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Zeremi 50:40

Sa ki pour ariv lo Babilonn, pour parey katastrof ki mon ti anvoy lo Sodonm ek Gomor, kan mon ti detri sa de lavil avek tou bann lavil dan zalantour, SENYER i deklare. Alor, personn pa pou vin reste isi, personn pa pou pas isi.

Zeremi 50:46

Kan Babilonn pou ganny kaptire, later pou tranble; son bann apel osekour pour ganny tande parmi bann nasyon.

Zeremi 51:8

En sel kou, Babilonn in tonbe e in ganny detri. Sant bann kantik dey lo li. Met en kataplas lo son boubou; kekfwa i ava kapab ganny geri!

Ezekyel 27:35

Tou bann zabitan bann zil, zot dan lapenn akoz ou. Zot bann lerwa i dan gran latristes. Lafreyer i marke lo zot figir.

Danyel 4:14

I ti kriy byen for: Koup sa pye dibwa e koup son bann brans, deplim tou son bann fey e fann son bann fri partou. Sas bann zannimo anba li. Fer fannen bann zwazo lo son bann brans.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

1 Timote 5:11

Pa met bann zenn vev lo lalis, akoz, kan zot lanvi marye ava pran zot, zot pou abandonn Kris.

Revelasyon 14:11

Lafimen dife ki tourmant zot pou monte pour touzour. Bann ki ador sa bebet ek son stati, e nenport ki, ki resevwar mark son non, pou san repo, ni lizour, ni lannwit.

Revelasyon 17:2

Bann lerwa later in livre zot dan prostitisyon avek li e tou zabitan later in soule avek diven son prostitisyon.

Revelasyon 18:18

Zot ti kriye kan zot ti war lafimen sa lavil ki ti pe brile: Zanmen i'n annan en lavil parey sa gran lavil!

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.

Revelasyon 18:3

Tou bann nasyon in bwar diven son gran prostitisyon. Bann lerwa later in fer prostitisyon avek li. Bann marsan lo later in anrisi par pouvwar son larises.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.

Revelasyon 19:3

Zot ti dir ankor: Loue Senyer! Lafimen sa gran lavil i monte pour touzour.

Revelasyon 2:22

Pour sa rezon, mon pou zet li ek tou bann ki'n komet adilter avek li, lo en lili lasoufrans. Amwen ki zot abandonn sa bann move pratik ki zot in fer avek li.