Revelasyon 17:7 - Labib An Kreol Seselwa

⁷ Me lanz ti dir mwan: Akoz ou etonnen? Mon ava dir ou sinifikasyon sekre sa fanm ek sa bebet ki i pe asiz lo la, ki annan set latet ek dis korn.

Revelasyon 17:7 ပူးပေါင်းရင်းမြစ်များ

2 Tesalonisyen 2:7

Annefe, sa pwisans move i deza pe travay an sekre. Me sa bann levennman pou arive selman kan sa enn ki pe retenir li ava les li fer.

Revelasyon 1:20

Pour sa ki konsern mister sa set zetwal ki ou'n war dan mon lanmen drwat, e sa set portlanp annor, la zot sinifikasyon: Sa set zetwal i bann lanz sa set Legliz; sa set portlanp, i sa set Legliz.

Revelasyon 12:3

Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 18:1

Apre sa, mon ti war en lot lanz desann sorti dan lesyel. I ti annan en gran lotorite e later ti ganny eklere par son laglwar.