Revelasyon 17:4 - Labib An Kreol Seselwa

⁴ Sa fanm ti'n abiy dan lenz rouz e kouver avek bizou annor, pyer presyez ek perl. Dan son lanmen, i ti annan en lakoup annor ranpli avek bann aksyon degoutan ek salte son lavi prostitisyon.

Revelasyon 17:4 ပူးပေါင်းရင်းမြစ်များ

1 Rwa 14:24

Ti annan menm bann prostitye sakre dan pei. Zot ti imit bann pratik degoutan bann nasyon ki SENYER ti'n sase devan Izrael.

2 Rwa 21:2

Manase ti fer sa ki depler SENYER, i ti pratik bann aksyon degoutan parey bann nasyon ki SENYER ti'n sase devan pep Izrael.

Esdras 9:11

Nou'n abandonn ou bann komannman ki ou'n donnen par lentermedyer ou bann serviter ou bann profet kan ou ti dir: Sa pei kot ou pe antre pour pran posesyon, i en pei enpir akoz bann pratik degoutan par bann pep ki'n reste la.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Zeremi 51:7

Babilonn ti parey en lakoup annor dan lanmen SENYER. I ti soul later antye. Bann nasyon ti bwar son diven e zot in perdi latet.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Ezekyel 20:30

Alor, dir pep Izrael: La sa ki Senyer BONDYE i deklare: Pa bezwen rann zot enpir parey zot bann zanset, e livre zot dan prostitisyon avek zot bann zidol degoutan.

Ezekyel 24:11

Apre, met sa marmit vid lo labrez. Sof li ziska son metal i vin rouz, fer fonn tou salte ladan e fer brile son larouy.

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Ezekyel 28:13

Ou ti reste dan Edenn, zarden Bondye. Ou ti kouver avek tou kalite pyer presyez: Ribi, topaz ek dyanman, krizolit, beril ek oniks, safir, grena ek emerod. Tou ou bann bizou ek ornman ti annor prepare depi sa zour ki ou ti ganny kree.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Danyel 11:38

I pou onor sa bondye ki defann bann lavil fortifye; en bondye ki son bann zanset pa'n konnen. I pou onor li avek lor, larzan, bann pyer presyez ek bann lobze valer.

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Deterononm 29:17

Zot in war zot bann lobze degoutan, zot bann stati an bwa, an ros, annarzan, annor.

Revelasyon 14:8

En lot lanz, en dezyenm, ti swiv sa premye lanz. I ti dir: I'n tonbe! I'n tonbe! Gran Babilonn in tonbe! I'n fer tou nasyon bwar son diven, diven lakoler son limoralite!

Revelasyon 18:12

Ni marsandiz annor, annarzan, bizou ek perl, ni latwal linenn fen, latwal rouz, laswa, toudsort kalite dibwa presye, tou kalite lobze an livwar, an bwa presye, an bronz, an fer oubyen an marb,

Revelasyon 18:16

Zot pou dir: Maler! Gran maler lo sa gran lavil ki ti abiye dan lenz linenn fen, mov e rouz, sarze avek bizou annor, pyer presyez ek perl.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

Revelasyon 21:21

Sa 12 laport lavil ti 12 perl. Sak laport ti en sel perl e bann lari dan lavil ti annor pir, kler koman ver.

Revelasyon 9:21

Zot pa ti regret ni zot krim, ni zot pratik siperstisye, ni zot pratik imoral, ni zot bann vol.