Revelasyon 17:3 - Labib An Kreol Seselwa

³ Alor, mon ti ganny transporte par Lespri dan en landrwa dezer. Mon ti war en fanm pe asize lo en bebet kouler rouz, kouver avek bann non blasfenm. Sa bebet ti annan set latet ek dis korn.

Revelasyon 17:3 ပူးပေါင်းရင်းမြစ်များ

1 Rwa 18:12

Kan ki mon pou kit ou, lespri SENYER pou pran ou e anmenn ou, mon pa konnen kote; ler mon ava al fer mon rapor avek Akab, i pou touy mwan akoz i pa'n war ou, menm si mon annan gran respe pour SENYER depi mon lanfans.

2 Rwa 2:16

Zot ti dir li, “Parmi nou, ou bann serviter, i annan 50 brav zonm. Zot kapab al rod ou met. Kekfwa lespri SENYER in pran li e al zet li lo kek montanny, oubyen dan en vale.” I ti reponn, “Non, pa bezwen anvoy personn.”

Kantik Salomon 8:5

Lekel sa fanm ki pe vini sorti dan dezer, apiye lo son lanmoure? Mon ti revey ou anba pye ponm, la kot ou manman ti ansent ou; la kot i ti met ou omonn.

Ezekyel 11:24

Lespri ti soulev mwan e anmenn mwan dan vizyon par lespri Bondye, ziska kot bann egzile dan Babilonn. Alor, vizyon ki mon ti'n war ti disparet.

Ezekyel 3:12

Apre, lespri Bondye ti soulev mwan; mon ti antann en gro tapaz deryer mwan en lavwa ti dir: Rann glwar SENYER kot son prezans i reste.

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 7:20

Mon ti osi anvi leksplikasyon konsernan sa dis korn lo son latet, sa lot korn ki ti'n pouse, e sa trwa korn ki ti tonbe devan li; sa korn ki ti annan lizye e en labous ki ti koz avek larogans e ki ti paret pli for ki lezot.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Matye 27:28

Zot ti tir son lenz e met li en rob rouz.

Akt de Zapot 8:39

Kan tou le de ti'n sorti dan delo, Lespri Senyer ti sezi Filip e anmenn li. Sa zofisye pa ti war li ankor, me i ti kontinyen son semen dan lazwa.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Revelasyon 1:10

Zour Senyer, mon ti ganny sezi par Lespri. Mon ti antann en lavwa for deryer mwan parey son en tronpet,

Revelasyon 12:14

Me sa fanm ti ganny sa de lezel en gran leg. I ti anvole ziska dan sa landrwa rezerve pour li dan dezer. La, i ti ganny nouri pandan 3 an edmi, lwen avek latak sa serpan.

Revelasyon 12:3

Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.

Revelasyon 12:6

Sa fanm ti sov dan dezer dan en landrwa ki Bondye ti'n prepare pour li, kot i ava ganny nouri pandan 1,260 zour.

Revelasyon 17:18

Anfen, sa fanm ki ou'n war, li menm sa gran lavil ki domin lo tou bann lerwa lo later.

Revelasyon 17:4

Sa fanm ti'n abiy dan lenz rouz e kouver avek bizou annor, pyer presyez ek perl. Dan son lanmen, i ti annan en lakoup annor ranpli avek bann aksyon degoutan ek salte son lavi prostitisyon.

Revelasyon 18:12

Ni marsandiz annor, annarzan, bizou ek perl, ni latwal linenn fen, latwal rouz, laswa, toudsort kalite dibwa presye, tou kalite lobze an livwar, an bwa presye, an bronz, an fer oubyen an marb,

Revelasyon 18:16

Zot pou dir: Maler! Gran maler lo sa gran lavil ki ti abiye dan lenz linenn fen, mov e rouz, sarze avek bizou annor, pyer presyez ek perl.

Revelasyon 21:10

Lespri ti transport mwan lo en gran montanny. I ti montre mwan lavil sen, Zerizalenm, ki ti pe desann, sorti dan lesyel kot Bondye.

Revelasyon 4:2

Deswit, Lespri ti sezi mwan. Ti annan en tronn dan lesyel, e en personnaz ti pe asize lo sa tronn.