Revelasyon 17:2 - Labib An Kreol Seselwa

² Bann lerwa later in livre zot dan prostitisyon avek li e tou zabitan later in soule avek diven son prostitisyon.

Revelasyon 17:2 ပူးပေါင်းရင်းမြစ်များ

Zeremi 51:7

Babilonn ti parey en lakoup annor dan lanmen SENYER. I ti soul later antye. Bann nasyon ti bwar son diven e zot in perdi latet.

Nahoum 3:4

Niniv! Ou koman en prostitye par ou lavi debos? Par ou labote ou ti andoy dimoun e vann bann nasyon. Par ou prostitisyon ou'n anbet bann pep.

Levanzil dapre Zan 2:10

I ti dir li, “Tou dimoun i servi bon diven dabor, answit, kan bann envite in sou, la ou servi diven ordiner. Me ou, ou'n gard bon diven ziska dernyen moman.”

Revelasyon 14:8

En lot lanz, en dezyenm, ti swiv sa premye lanz. I ti dir: I'n tonbe! I'n tonbe! Gran Babilonn in tonbe! I'n fer tou nasyon bwar son diven, diven lakoler son limoralite!

Revelasyon 17:13

Zot tou, zot annan menm lentansyon: Donn sa bebet zot pwisans ek zot pouvwar.

Revelasyon 17:17

Annefe, Bondye in plas dan zot leker son lavolonte pour akonpli son plan. Zot pou pas zot pouvwar avek sa bebet ziska ki Parol Bondye i ganny akonpli.

Revelasyon 17:5

Lo son fron ti'n ekri en non sekre: Gran Babilonn, manman tou bann prostitye ek tou bann aksyon degoutan lo later.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Revelasyon 18:23

Lalimyer lalanp pou nepli briy kot ou. Pou nepli antann lavwa nouvo ek nouvel marye kot ou, akoz ou bann marsan ti pli enportan lo later. Par ou bann pratik mazik, ou'n tronp tou nasyon.

Revelasyon 18:3

Tou bann nasyon in bwar diven son gran prostitisyon. Bann lerwa later in fer prostitisyon avek li. Bann marsan lo later in anrisi par pouvwar son larises.

Revelasyon 18:9

Alor, kan zot pou war lafimen kot i pe brile, tou bann lerwa later ki'n komet move aksyon e fer letalaz larises avek li, pou plere e pou lamante lo son size.

Revelasyon 2:22

Pour sa rezon, mon pou zet li ek tou bann ki'n komet adilter avek li, lo en lili lasoufrans. Amwen ki zot abandonn sa bann move pratik ki zot in fer avek li.

Revelasyon 3:10

Akoz ou'n obei mon lord avek perseverans, mon pou protez ou pandan bann letan leprev ki pe vini, pour teste bann zabitan later.

Revelasyon 9:21

Zot pa ti regret ni zot krim, ni zot pratik siperstisye, ni zot pratik imoral, ni zot bann vol.