Revelasyon 16:3 - Labib An Kreol Seselwa

³ Dezyenm lanz ti devers son lakoup lo lanmer ki ti vin koman disan en dimoun mor. Tou sa ki ti vivan dan lanmer ti mor.

Revelasyon 16:3 ပူးပေါင်းရင်းမြစ်များ

Zenez 7:22

Tou kreatir lo later ferm, ki ti annan souf lavi, ti mor.

Psonm 105:29

I ti fer delo larivyer vin disan e tou bann pwason ti mor.

Psonm 78:44

I ti fer delo bann larivyer vin disan e bann Ezipsyen pa ti kapab bwar.

Ezekyel 16:38

Mon pou kondann ou parey en fanm adilter e bann ki fer koule disan. Dan lakoler ek pasyon zalou, mon pou met ou ansan.

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Revelasyon 10:2

I ti annan en pti liv ouver dan son lanmen. I ti poz lipye drwat lo lanmer e lipye gos lo later.

Revelasyon 11:6

Zot annan pouvwar ferm lesyel pour ki lapli pa tonbe pandan letan ki zot pe profetize. Zot annan pouvwar sanz delo an disan. Zot osi annan pouvwar frap later avek toudsort kalite fleo sak fwa ki zot oule.

Revelasyon 13:1

Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.