Revelasyon 15:3 - Labib An Kreol Seselwa

³ Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 15:3 ပူးပေါင်းရင်းမြစ်များ

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

1 Kronik 6:49

Aaron ek son bann garson ti responsab pour ofer sakrifis lo lotel pour sakrifis konplet e lo lotel lansan, avek tou lezot fonksyon dan Lasal Tre Sen ki konsern bann rityel pour pardon pese Izrael, dapre sa ki Moiz, serviter Bondye ti'n ordonnen.

2 Kronik 24:6

Alor, lerwa ti konvok Gran-Pret Yoyada e demann li, “Akoz ou pa'n egzize ki bann levit i anmenn sa kontribisyon sorti Zerizalenm ek Zida ki Moiz serviter SENYER ek lasanble ti rekomann bann Izraelit pour latant Temwannyaz?”

Nehemi 9:14

Ou'n fer zot konn ou saba sakre e par lentermedyer Moiz, ou serviter, ou'n ansenny zot ou bann komannman, regleman ek lalwa.

Liv Zob 36:24

Pa oubliye selebre son bann mervey, parey dimoun i sante.

Liv Zob 5:9

Bondye i fer bann gran mervey, ki personn pa kapab konpran.

Psonm 100:5

Wi! SENYER i bon. Son fidelite i dire pour touzour. Son fidelite i reste pour touzour.

Psonm 105:5

Pa oubliy bann mervey ki i'n fer, son bann prodiz ek bann zizman ki i'n prononse,

Psonm 111:2

Sa ki SENYER i fer i merveye; tou dimoun ki rekonnet sa, i reflesir lo la.

Psonm 111:7

Tou sa ki i fer avek son lanmen i vre e i zis. Tou son bann direktiv i sir.

Psonm 139:14

Mon loue ou, akoz ou'n fer mwan en kreatir vreman merveye. Mon rekonnet ki tou sa ki ou'n fer i merveye.

Psonm 145:17

SENYER i zis dan tou sa ki i antreprann; i fidel dan tou sa ki i fer.

Psonm 145:6

Ou pwisans formidab pou ganny proklanmen e mon pou rakont ou bann mervey.

Psonm 18:30

Bondye i en gid parfe. Bann promes SENYER i vre; i en proteksyon pour tou sa bann ki vin pran refiz kot li.

Psonm 78:12

I ti fer en bann mervey devan zot bann zanset, dan laplenn Zoann, kan zot ti dan pei Lezip.

Psonm 92:5

Ou'n fer en kantite gran mervey. Ou bann travay i vreman gran, SENYER! Ou bann panse i tre profon.

Psonm 99:4

Lafors en lerwa i dan lanmour ki i annan pour lazistis. Ou'n etabli ladrwatir, ou'n etabli lazistis. Ou'n etabli ladrwatir ek lazistis dan Izrael.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Levanzil dapre Zan 1:17

Bondye ti donn nou son Lalwa atraver Moiz, me se par Zezi-Kri ki nou'n ganny lagras ek laverite.

Deterononm 31:30

Alor, Moiz ti repet bann parol sa kantik antye, devan tou lasanble bann Izraelit pour zot tande.

Deterononm 32:3

Mon pou proklanm non SENYER, rekonnet ki nou Bondye i gran.

Deterononm 34:5

Moiz, serviter SENYER, ti mor la dan pei Moab, parey SENYER ti'n deside.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

Ebre 3:5

Moiz ti fidel dan lakaz Bondye koman en serviter, pour li vin en temwen konsernan sa ki pou ganny dir.

Zozye 22:5

Selman, fer sir zot obzerv tou bann komannman ek lalwa ki Moiz, serviter SENYER, zot Bondye in ordonn zot. Kontan SENYER, zot Bondye e fer tou sa ki i demann zot. Obei tou son bann komannman; atas avek li e servi li fidelman avek tou zot leker e avek lafors zot et antye.”

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

Revelasyon 11:17

Zot ti dir: Nou loue ou, Senyer, Bondye liniver, ki egziste, e ki ti egziste. Ou'n servi ou gran pouvwar pour etabli ou renny!

Revelasyon 14:3

Zot ti sant en nouvo kantik devan tronn, devan sa kat et vivan ek bann ansyen. Personn pa ti kapab aprann sa kantik, apard sa 144,000 ki ti'n ganny reaste lo later.

Revelasyon 14:8

En lot lanz, en dezyenm, ti swiv sa premye lanz. I ti dir: I'n tonbe! I'n tonbe! Gran Babilonn in tonbe! I'n fer tou nasyon bwar son diven, diven lakoler son limoralite!

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.