Revelasyon 14:2 - Labib An Kreol Seselwa

² Mon ti antann en lavwa sorti dan lesyel, parey tapaz en gro laroul, konmsi en gro loraz. Sa lavwa ki mon ti tande, ti parey son lanmizik laarp ki en mizisyen i fer sorti lo son lenstriman.

Revelasyon 14:2 ပူးပေါင်းရင်းမြစ်များ

2 Samyel 6:5

David ek pep Izrael ti zwe devan SENYER avek toudsort lenstriman lanmizik an bwa sapen: Lir, laarp, tanbour, sitar ek senbal.

2 Kronik 20:28

Zot ti antre Zerizalenm dan direksyon tanp SENYER, akonpannyen avek lanmizik, laarp, lir, ek tronpet.

Psonm 147:7

Sant bann kantik rekonesans an loner SENYER! Zwe pour nou Bondye lo laarp!

Psonm 149:3

Loue son non avek ladans, avek tanbour, avek laarp; zwe bann lenstriman lanmizik pour loue son non.

Psonm 33:2

Zwe lanmizik pour loue SENYER! Loue li lo laarp dis lakord!

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 57:8

Reveye, mon leker! Reveye, bann lenstriman lanmizik! Mon pou fer lizour aparet.

Psonm 92:3

avek lenstriman lanmizik dis lakord, laarp ek lanmizik sitar.

Psonm 93:4

Dan lesyel lao, SENYER i pli pwisan ki tapaz bann losean. I pli pwisan ki bann laroul dan lanmer.

Psonm 98:5

Loue SENYER avek lenstriman dis lakord e avek laarp zwe bann zoli melodi.

Egzod 19:16

Bomaten, trwazyenm zour, ti annan loraz, zekler ek en nyaz epe lo montanny. Apre, ti annan en son tronpet byen for e tou dimoun dan kan ti tranble avek lafreyer.

Egzod 20:18

Tou lepep ti antann loraz, zekler, son tronpet; zot ti war lafimen lo montanny. Lepep ti war; zot ti tranble e zot ti debout, lwen.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezekyel 43:2

Mon ti war laglwar Bondye Izrael sorti lo kote Les. I ti parey tapaz en gro delo. I ti ekler later avek son laglwar.

Zakari 9:14

Apre sa, SENYER pou aparet par lao zot e son fles pou sorti parey zekler. Senyer BONDYE pou soufle tronpet. I pou avanse dan tanpet sorti dan Sid.

1 Korentyen 13:1

Sipoze ki mon ti kapab koz lalang tou bann pep e menm lalang bann lanz: Si mon napa lanmour, mon parey en tanbour ki rezonnen, oubyen en senbal ki zis fer tapaz.

Revelasyon 1:10

Zour Senyer, mon ti ganny sezi par Lespri. Mon ti antann en lavwa for deryer mwan parey son en tronpet,

Revelasyon 1:15

Son lipye ti koman bronz brile ki'n ganny pirifye dan four. Son lavwa ti koman tapaz gro delo ki pe koule.

Revelasyon 11:12

Sa de profet ti antann en lavwa for sorti dan lesyel, ki ti dir zot: Mont isi! Zot ti mont dan lesyel dan en nyaz, devan tou zot bann lennmi.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 15:2

Apre, mon ti war sa ki ti resanble en lanmer an ver, melanze avek dife. Mon ti osi war bann ki ti'n ganny laviktwar lo sa bebet, lo son stati, e lo nimero ki koresponn avek son non. Zot ti pe debout lo lanmer an ver, avek dan zot lanmen, bann laarp ki Bondye ti'n donn zot.

Revelasyon 18:22

Bann zwer laarp ek bann mizisyen! Sante! Pa pou zanmen antann ankor zwer laflit ek tronpet kot ou. Pou nepli annan ni zouvriye ni artizan kot ou. Pou nepli antann ankor kot ou, tapaz moulen dible.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

Revelasyon 6:1

Alor, mon ti war Zenn Mouton ouver premye parmi sa set sele, e mon ti antann enn parmi sa kat kreatir vivan dir avek en lavwa koman loraz: Vini!

Revelasyon 8:7

Premye lanz ti soufle dan son tronpet. Lagrel ek dife melanze avek disan ti devers lo later. En tyer later, en tyer bann pye dibwa ek tou zerb ver ti ganny brile.