Revelasyon 13:4 - Labib An Kreol Seselwa

⁴ Tou dimoun ti ador sa dragon, akoz i ti'n donn son pouvwar sa bebet. Zot ti azenou devan sa bebet. Zot ti dir: Lekel ki parey sa bebet? Lekel ki kapab lager kont li?

Revelasyon 13:4 ပူးပေါင်းရင်းမြစ်များ

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Ezai 46:5

Avek ki ou pou konpar mwan? Lekel ki egal avek mwan?

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

Deterononm 9:2

Zot en pep zean ki for; desandan bann Anakit ki ou konnen. Annefe, ou'n antann dir lo zot: Lekel ki kapab tenir devan bann Anakit?

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Revelasyon 12:3

Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.

Revelasyon 12:4

Son lake ti balye en tyer bann zetwal dan lesyel e zet zot lo later. Sa dragon ti debout devan sa fanm ki ti pe al akouse, pour li devor son zanfan koman i ne.

Revelasyon 13:11

Apre sa, mon ti war en lot bebet ki ti sorti dan later. I ti annan de korn parey en zenn mouton, e i ti koz koman en dragon.

Revelasyon 13:15

I ti ganny pouvwar fer stati sa premye bebet vin vivan, de sort ki stati sa bebet ti kapab koze. I ti fer touy tou sa ki pa ti ador li.

Revelasyon 13:2

Sa bebet ki mon ti war, ti resanble en leopar. Son bann lapat ti parey lapat en lours e son lagel ti parey lagel en lyon. Dragon ti donn li tou son pwisans, son tronn ek en gran pouvwar.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 18:18

Zot ti kriye kan zot ti war lafimen sa lavil ki ti pe brile: Zanmen i'n annan en lavil parey sa gran lavil!

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.

1 Samyel 17:24

Ler bann Izraelit ti war sa zonm, zot ti kile, akoz zot ti per.