Revelasyon 13:2 - Labib An Kreol Seselwa

² Sa bebet ki mon ti war, ti resanble en leopar. Son bann lapat ti parey lapat en lours e son lagel ti parey lagel en lyon. Dragon ti donn li tou son pwisans, son tronn ek en gran pouvwar.

Revelasyon 13:2 ပူးပေါင်းရင်းမြစ်များ

2 Rwa 2:24

Elize ti vir deryer; i ti war zot e i ti modi zot lo non SENYER. Alor, de lours ti sorti dan lafore e devor 42 parmi sa bann garson.

Psonm 22:21

Sov mwan dan lagel lyon; delivre mwan kont korn bann toro sovaz.

Proverb 17:12

Vomye rankontre en lours ki'n perdi son bann piti, ki afront en zonm fou dan son lafoli.

Proverb 28:15

En dirizan dominer ki gouvern en pep pov, i parey en lyon ler i gronnyen, oubyen en lours ler i atake.

Ezai 5:29

Zot kriy parey en lyon, zot gronnyen parey en pti lyon; zot anmenn zot viktim dan bann landrwa sir, kot personn pa kapab vin pran.

Zeremi 13:23

Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Oze 11:10

Zot pou swiv SENYER ki pou kriye parey en lyon. Kan i kriye, son bann zanfan pou taye sorti dan Was an tranblan.

Amos 3:12

La sa ki SENYER i deklare: Parey en berze i aras dan lagel en lyon de lapat oubyen zis en bout zorey en mouton, konmsa menm, ki pep Izrael ki viv dan Samari, pou ganny sove, pandan ki i akroupi dan zot sofa, oubyen lo zot kousen dan lili.

Amos 5:19

Sa zour pou parey en zonm ki pe taye devan en lyon, pour li rankontre en lours, kan i rantre kot li, i apiy son lanmen kont miray e en serpan i pik li.

Habakouk 1:8

Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

Revelasyon 12:13

Kan dragon ti realize ki i ti'n ganny zete lo later, i ti konmans swiv sa fanm ki ti'n ganny en pti garson.

Revelasyon 12:15

Alor, sa serpan ti vomi delo parey en gran larivyer, deryer sa fanm, pour li ganny trennen.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:12

I ti egzers tou pouvwar sa premye bebet, lanmenm devan li. I ti obliz later ek son bann zabitan ador sa premye bebet ki son blesir ti'n geri.

Revelasyon 13:4

Tou dimoun ti ador sa dragon, akoz i ti'n donn son pouvwar sa bebet. Zot ti azenou devan sa bebet. Zot ti dir: Lekel ki parey sa bebet? Lekel ki kapab lager kont li?

Revelasyon 16:10

Senkyenm lanz ti devers son lakoup lo tronn sa bebet. Son rwayonm ti ganny anvlope dan fernwanr. Dimoun ti mord zot lalang avek douler.

Revelasyon 17:12

Sa dis korn ki ou'n war, i dis lerwa ki pa ankor konmans rennyen. Me zot pou ganny pouvwar pour renny en erdtan ansanm avek sa bebet.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

Revelasyon 20:2

I ti sezi sa dragon, sa serpan lantikite, setadir dyab oubyen Satan. I ti ansenn li pour 1,000 an.