Revelasyon 12:3 - Labib An Kreol Seselwa

³ Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.

Revelasyon 12:3 ပူးပေါင်းရင်းမြစ်များ

Ezai 27:1

Sa zour, avek son gran lepe byen fite, dir e pwisan, SENYER pou entervenir kont Leviatan, sa serpan ki anvole; Leviatan, sa serpan rize. I pou touy sa dragon ki reste dan lanmer.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezai 9:15

Bann ansyen ek bann zonm enportan, se sa latet; bann profet ki ansenny mansonz, se sa lake.

Danyel 2:41

Parey ou ti war son lipye ek son bann pous an parti later en potye e an parti an fer, sa rwayonm pou divize; me i pou an parti for koman fer, parey ou ti war fer melanze avek later.

Danyel 2:42

Parey ki bann pous lipye ti an parti fer e an parti later, sa rwayonm pou an parti for e an parti fay.

Danyel 7:20

Mon ti osi anvi leksplikasyon konsernan sa dis korn lo son latet, sa lot korn ki ti'n pouse, e sa trwa korn ki ti tonbe devan li; sa korn ki ti annan lizye e en labous ki ti koz avek larogans e ki ti paret pli for ki lezot.

Danyel 7:24

Sa dis korn, i dis lerwa ki pou leve dan sa rwayonm. En lot lerwa pou leve apre zot. I pou diferan avek sa bann avan, e i pou fer tonbe trwa lerwa.

Revelasyon 12:1

En gran siny ti aparet dan lesyel: En fanm abiye dan soley, lalin anba son lipye e en kouronn 12 zetwal lo son latet.

Revelasyon 12:13

Kan dragon ti realize ki i ti'n ganny zete lo later, i ti konmans swiv sa fanm ki ti'n ganny en pti garson.

Revelasyon 12:17

Alor, dragon ti ankoler avek sa fanm. I ti ale pour fer lager kont leres desandans sa fanm, kont tou sa bann ki obei komannman Bondye e ki reste fidel avek temwannyaz Zezi.

Revelasyon 12:4

Son lake ti balye en tyer bann zetwal dan lesyel e zet zot lo later. Sa dragon ti debout devan sa fanm ki ti pe al akouse, pour li devor son zanfan koman i ne.

Revelasyon 12:7

Alor, ti annan lager dan lesyel: Mikael avek son bann lanz ti lager kont dragon. Dragon avek son bann lanz ti osi lager kont li.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:1

Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.

Revelasyon 13:2

Sa bebet ki mon ti war, ti resanble en leopar. Son bann lapat ti parey lapat en lours e son lagel ti parey lagel en lyon. Dragon ti donn li tou son pwisans, son tronn ek en gran pouvwar.

Revelasyon 13:4

Tou dimoun ti ador sa dragon, akoz i ti'n donn son pouvwar sa bebet. Zot ti azenou devan sa bebet. Zot ti dir: Lekel ki parey sa bebet? Lekel ki kapab lager kont li?

Revelasyon 15:1

Apre, mon ti war en lot gran siny etonan dan lesyel: Mon ti war set lanz avek set fleo. Sa ti set dernyen fleo ki pou met en lafen avek lakoler Bondye.

Revelasyon 16:13

Alor, mon ti war trwa lespri enpir parey grenouy. Zot ti sorti dan lagel sa dragon, dan lagel sa bebet e dan labous sa fo profet.

Revelasyon 17:12

Sa dis korn ki ou'n war, i dis lerwa ki pa ankor konmans rennyen. Me zot pou ganny pouvwar pour renny en erdtan ansanm avek sa bebet.

Revelasyon 17:16

Sa dis korn ki ou ti war ek sa bebet, pou ay sa prostitye. Zot pou depouy li avek tou sa ki i posede e kit li touni. Zot pou devor son laser e bril li avek dife.

Revelasyon 17:7

Me lanz ti dir mwan: Akoz ou etonnen? Mon ava dir ou sinifikasyon sekre sa fanm ek sa bebet ki i pe asiz lo la, ki annan set latet ek dis korn.

Revelasyon 19:12

Son lizye i parey en laflanm dife, e lo son latet ti annan plizyer kouronn. Lo li, en non in ganny ekri, ki personn pa konnen, eksepte li menm.

Revelasyon 20:2

I ti sezi sa dragon, sa serpan lantikite, setadir dyab oubyen Satan. I ti ansenn li pour 1,000 an.