Revelasyon 11:9 - Labib An Kreol Seselwa

⁹ Pandan trwa zour edmi, dimoun sorti dan tou pep, tou tribi, tou lalang ek tou nasyon pou get zot kadav. Pourtan, zot pou refize les zot ganny antere.

Revelasyon 11:9 ပူးပေါင်းရင်းမြစ်များ

1 Rwa 13:22

akoz ou'n retournen, manze e bwar delo, dan sa landrwa ki mon ti'n dir ou pa pou ni manze, ni bwar delo, ou kadav pa pou ganny antere dan latonm ou bann zanset.”

Eklezyas 6:3

Si en zonm i ganny bokou zanfan e i viv en kantite lannen, menm si i viv lontan, me i pa profit boner lavi e ni menm annan en latonm ler i mor, mon dir ki en pti baba ki mor an nesan i pli ere ki li.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Zeremi 7:33

Zwazo ek zannimo sovaz ava manz kadav sa pep, akoz pou napa personn pour deranz zot.

Matye 7:2

Bondye pou ziz ou parey ou ziz lezot, e i pou servi avek ou, menm mezir ki ou'n servi anver zot.

Revelasyon 10:11

Apre mon ti ganny dir: Fodre ki ou anons mesaz Bondye ankor en fwa, konsernan bokou pep, nasyon, lalang ek lerwa.

Revelasyon 11:11

Me apre sa trwa zour edmi, en souf lavi ki sorti kot Bondye ti antre dan zot. Zot ti debout lo zot de lipye. Alor, en gran lafreyer ti tonm lo bann ki ti war zot.

Revelasyon 13:7

I ti ganny permisyon fer lager kont pep Bondye e ganny laviktwar lo zot. I ti ganny pouvwar lo tou tribi, pep, lalang ek tou nasyon.

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.