Revelasyon 11:7 - Labib An Kreol Seselwa

⁷ Me kan zot ava'n fini rann temwannyaz, sa bebet ki monte sorti dan labim, pou atak zot. I pou ganny laviktwar lo zot e touy zot.

Revelasyon 11:7 ပူးပေါင်းရင်းမြစ်များ

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Levanzil dapre Lik 13:32

Zezi ti reponn zot, “Al dir sa renar: Ozordi ek demen, mon pe sas bann move lespri e geri bann malad. Me trwazyenm zour mon pou fini mon travay.

Levanzil dapre Lik 8:31

Sa bann move lespri ti sipliy Zezi pour pa anvoy zot dan labim.

Levanzil dapre Zan 17:4

Mon'n glorifye ou lo later. Mon'n fini sa travay ki ou'n donn mwan pour fer.

Levanzil dapre Zan 19:30

Kan Zezi ti'n gout sa vineg, i ti dir, “Tou in akonpli!” Apre, i ti bes son latet e i ti rann son souf.

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

2 Timote 4:7

Mon'n konbat en bon konba, mon'n fini sa lakours, mon'n gard lafwa.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.

Revelasyon 12:17

Alor, dragon ti ankoler avek sa fanm. I ti ale pour fer lager kont leres desandans sa fanm, kont tou sa bann ki obei komannman Bondye e ki reste fidel avek temwannyaz Zezi.

Revelasyon 13:11

Apre sa, mon ti war en lot bebet ki ti sorti dan later. I ti annan de korn parey en zenn mouton, e i ti koz koman en dragon.

Revelasyon 13:7

I ti ganny permisyon fer lager kont pep Bondye e ganny laviktwar lo zot. I ti ganny pouvwar lo tou tribi, pep, lalang ek tou nasyon.