Revelasyon 11:4 - Labib An Kreol Seselwa

⁴ Sa de temwen i sa de pye zoliv ek sa de portlanp ki devan Senyer later.

Revelasyon 11:4 ပူးပေါင်းရင်းမြစ်များ

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

Psonm 52:8

Me mwan, mon parey en pye zoliv ver dan tanp Bondye. Mon met mon konfyans dan fidelite Bondye pour touzour.

Egzod 8:22

Me sa zour, mon pou tret diferaman teritwar Gosenn, kot mon pep i reste pour ki ou ava konnen ki mwan SENYER, mon dan sa pei.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Zeremi 11:16

Otrefwa, SENYER ti donn ou, ou pye zoliv ki annan zoli fey e ki plen avek bann zoli fri. Me dan milye en gran tanpet, SENYER pou met dife avek sa pye zoliv e tou son bann brans pou ganny brile konpletman.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Levanzil dapre Lik 11:33

“Personn pa alim en lalanp pour kasyet li, oubyen met li anba en bol. I met li lo en portlanp pour ekler dimoun kan zot antre.

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Revelasyon 1:20

Pour sa ki konsern mister sa set zetwal ki ou'n war dan mon lanmen drwat, e sa set portlanp annor, la zot sinifikasyon: Sa set zetwal i bann lanz sa set Legliz; sa set portlanp, i sa set Legliz.