Revelasyon 11:2 - Labib An Kreol Seselwa

² Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.

Revelasyon 11:2 ပူးပေါင်းရင်းမြစ်များ

Psonm 79:1

Mon Bondye! Bann etranze in anvai ou pei. Zot in profann ou tanp sen. Zot in fer Zerizalenm vin en ta ros.

Ezai 48:2

Zot tir zot lafyerte dan lavil sen e zot depann lo Bondye Izrael ki apel SENYER liniver.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Ezai 52:1

Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Lamantasyon 1:10

Lennmi in poz son lanmen lo tou son bann trezor. Son pep in war bann pep etranze antre dan tanp kot SENYER li menm ti defann zot antre.

Ezekyel 4:6

Kan sa letan i fini, ou ava alonz lo kote drwat e ou ava port pese pep Zida pandan 40 zour. Mon pou propoz ou en zour pour sak lannen.

Ezekyel 42:20

I ti mezir tou le kat kote. Toultour ti annan miray: 250 met longer e 250 met larzer ki ti separ lespas sakre avek lespas ordiner.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Danyel 7:19

Alor, mon ti anvi ganny leksplikasyon lo sa katriyenm bebet ki ti diferan avek lezot e pli terib, ki ti annan ledan an fer ek grif an bronz. I ti devor e kraz an morso son viktim e pil lo tou sa ki ti reste.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 8:10

I ti dres li kont larme lesyel. I ti zet ater en parti larme ek bann zetwal e i ti pil lo zot.

Danyel 8:13

Apre, mon ti antann en lanz koze. En dezyenm lanz ti dir avek sa enn ki ti pe koze, “Ziska kan sa vizyon lo sakrifis tou le zour e lo transgresyon pou kontinyen? Ziska kan sanktyer ek larme lesyel pou ganny kraze anba lipye?”

Danyel 8:14

I ti dir mwan, “Ziska ki 2,300 swar ek maten in pase; apre sa, sanktyer pou reganny konsakre.”

Nonm 14:34

Zot pou soufer konsekans zot pese pandan 40 an, en lannen pour sak zour ki zot ti eksplor sa pei. Zot ava konn mon mekontantman.

Matye 27:53

Zot ti sorti dan zot tonbo. Apre rezireksyon Zezi, zot ti al dan Zerizalenm, kot bokou dimoun ti war zot.

Matye 4:5

Alor, dyab ti anmenn Zezi ziska Zerizalenm, e met li debout lo lapwent twa Tanp.

Matye 5:13

Zezi ti kontinyen dir: Se zot disel later. Me si disel i perdi son gou, avek kwa ou pou redonn li son gou sale? I pa bon pour nanryen; i ganny zete deor, pour dimoun mars lo la.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Revelasyon 11:11

Me apre sa trwa zour edmi, en souf lavi ki sorti kot Bondye ti antre dan zot. Zot ti debout lo zot de lipye. Alor, en gran lafreyer ti tonm lo bann ki ti war zot.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.

Revelasyon 12:6

Sa fanm ti sov dan dezer dan en landrwa ki Bondye ti'n prepare pour li, kot i ava ganny nouri pandan 1,260 zour.

Revelasyon 21:10

Lespri ti transport mwan lo en gran montanny. I ti montre mwan lavil sen, Zerizalenm, ki ti pe desann, sorti dan lesyel kot Bondye.

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Revelasyon 22:19

Si en dimoun i retir okenn parol profesi dan sa liv, Bondye pou retir son par dan pye dibwa lavi e dan lavil sen ki'n ganny dekri dan sa liv.