Revelasyon 10:4 - Labib An Kreol Seselwa

⁴ Kan sa set loraz ti'n fini fer tande zot lavwa, mon ti pe al ekri. Me mon ti antann en lot lavwa sorti dan lesyel ki ti dir mwan: Gard sekre mesaz sa set loraz; pa bezwen ekri.

Revelasyon 10:4 ပူးပေါင်းရင်းမြစ်များ

Ezai 29:11

Pour ou, bann vizyon pou parey en dokiman ki'n sele. Si ou donn dimoun ki konn lir, e ou dir li: Lir sa! I pou dir i pa kapab, akoz sa dokiman in sele.

Ezai 8:1

SENYER ti dir mwan: Pran en gran tablo; ekri lo la avek bann gran let: Depese al fer piyaz.

Ezai 8:16

Gard sa temwannyaz. Sel son parol parmi mon bann disip.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Danyel 12:9

I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.

Danyel 8:26

Sa vizyon ki konsern bann swar ek maten, i serten. Me ou, gard sa vizyon sekre, akoz i konsern en lepok lwen dan lavenir.

Deterononm 29:29

Zis SENYER, nou Bondye ki konn bann keksoz sekre. Sa ki'n ganny revele i pour nou e pour nou bann zanfan pour touzour, pour ki nou met an pratik tou bann parol sa lalwa.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:19

Aprezan, ekri sa ki ou'n war, sa ki pe pase aprezan, e sa ki pou arive apre.

Revelasyon 10:8

Answit, lavwa ki mon ti'n tande sorti dan lesyel, ti koz avek mwan ankor. I ti dir mwan: Ale! Pran sa pti liv ki ouver dan lanmen lanz ki pe debout lo lanmer e lo later.

Revelasyon 22:10

I ti azoute: Pa gard sekre parol profesi ki dan sa liv, akoz letan pour tousala arive i pros.