Revelasyon 10:1 - Labib An Kreol Seselwa

¹ Alor, mon ti war sorti dan lesyel en lot lanz pwisan, anvlope avek en nyaz e avek en larkansyel otour son latet. Son figir ti koman soley, e son lazanm koman de kolonn dife.

Revelasyon 10:1 ပူးပေါင်းရင်းမြစ်များ

Psonm 104:3

In poz fondasyon son gran demer lo delo. I fer nyaz vin son kales; i avans lo lezel divan.

Psonm 97:2

Fernwanr ek nyaz i antour li. Son tronn i fonde lo lazistis ek ladrwatir.

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Kantik Salomon 5:15

Son lazanm i parey bann kolonn an marb blan, poze lo bann baz annor pir. Son figir i parey bann montanny Liban, i elegan parey pye sed.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 54:9

Pour mwan, sa i fer rapel letan Noe: Parey mon ti'n promet dan sa letan ki delo pa pou kouver later, mon promet ki mon pa pou zanmen met mwan ankoler kont ou e ki zanmen mon pou menas ou.

Lamantasyon 3:44

Ou'n kasyet ou dan en nyaz, pour anpes nou lapriyer penetre ziska kot ou.

Ezekyel 1:28

Sa lalimyer otour li ti parey en larkansyel dan nyaz apre en zour lapli. I ti reflekte laglwar SENYER. Kan mon ti war sa, mon ti tonm lafas ater e mon ti antann en lavwa.

Danyel 10:6

Son lekor ti briye parey pyer presyez krizolit, son figir ti briye parey zekler, son lizye ti resanble en flanbo, son lebra ek son lazanm ti klate parey bronz ki'n ganny poli, e son lavwa ti rezonnen parey tapaz en gran lafoul.

Danyel 7:13

Dan mon bann vizyon pandan lannwit, mon ti war arive avek bann nyaz dan lesyel, enn ki ti resanble en zonm. I ti apros ver sa Vyeyar; zot ti anmenn li dan son prezans.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Matye 17:2

Letan zot ti la, laparans Zezi ti sanze: Son figir ti klate parey soley; son lenz ti vin blan, klate koman lalimyer.

Levanzil dapre Lik 21:27

Alor, zot pou war Fis-de-Lonm vini lo en nyaz avek gran pwisans ek gran mazeste.

Akt de Zapot 26:13

Lerwa Agripa! Pandan ki mon ti dan semen, ver midi, mon ti war en lalimyer sorti dan lesyel, pli briyan ki soley, ki ti klate otour mwan ek mon bann kanmarad.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.

Revelasyon 18:1

Apre sa, mon ti war en lot lanz desann sorti dan lesyel. I ti annan en gran lotorite e later ti ganny eklere par son laglwar.

Revelasyon 18:21

Alor, en lanz pwisan ti pran en gro ros ki i ti zet dan lanmer. I ti dir: La ki mannyer sa gran lavil Babilonn pou ganny zete avek menm vyolans. Personn pa pou trouv li ankor.

Revelasyon 20:1

Apre sa, mon ti war en lanz desann sorti dan lesyel. I ti annan lakle labim ek en gran lasenn dan son lanmen.

Revelasyon 4:3

I ti parey bann pyer presyez, zasp ek sardwann. Sa tronn ti antoure avek en larkansyel ki briye parey en emerod.

Revelasyon 5:2

Mon ti war en lanz pwisan ki ti proklanmen avek en lavwa for: Lekel ki diny pour kas sa bann sele e ouver sa liv?

Revelasyon 8:13

Answit, mon ti regarde: Mon ti antann en leg ki ti pe anvole byen o dan lesyel. I ti kriye avek en lavwa for: Maler! Maler! Maler lo bann zabitan later, akoz sa bann tronpet ki sa trwa lanz pe al soufle.