Revelasyon 1:9 - Labib An Kreol Seselwa

⁹ Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 1:9 ပူးပေါင်းရင်းမြစ်များ

Matye 20:23

Zezi ti dir zot, “Zot ava bwar mon lakoup. Me lekel ki pou asiz lo mon kote drwat oubyen mon lo kote gos, sa pa mwan ki deside. Sa bann plas i pour sa bann ki mon Papa in prepare.”

Mark 10:39

Zot ti dir li, “Nou kapab.” Zezi ti reponn zot, “Annefe, zot pou bwar sa lakoup ki mon pou bwar. Zot pou ganny batize avek sa batenm ki mon pou ganny batize.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Akt de Zapot 1:15

Dan sa bann zour, pandan ki bann krwayan ti'n reini, apepre 120 dimoun an tou, Pyer ti debout parmi zot. I ti dir,

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

Romen 8:17

E si nou son bann zanfan, alor, nou osi son bann zeritye: Zeritye Bondye, e zeritye ansanm avek Kris, akoz si nou soufer avek li, nou pou osi ganny glorifye avek li.

Romen 8:25

Me si nou esper sa ki nou pa ankor war, nou esper avek pasyans.

2 Korentyen 1:7

Nou lespwar dan zot i solid. Annefe, nou konnen ki koman zot annan par dan nou soufrans, zot osi annan par dan konsolasyon ki nou gannyen.

Filipyen 1:7

I normal ki mon annan en tel santiman anver zot tou. Annefe, zot tou, zot annan en plas spesyal dan mon leker. Zot tou, zot partisip dan sa don ki Bondye in akord mwan, ozordi ki mon dan prizon, parey yer, kan mon ti pe defann Bonn Nouvel e anons li avek kouraz.

Filipyen 4:14

Sepandan, zot in byen fer pour pran par dan mon bann difikilte.

2 Tesalonisyen 3:5

Mon demann Senyer gid zot leker dan lanmour pour Bondye e dan pasyans ki Kris i donnen.

2 Timote 1:8

Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

Ebre 10:36

Zot bezwen persevere pour akonpli lavolonte Bondye e resevwar sa ki i'n promet zot.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

Revelasyon 1:1

Sa liv i Revelasyon Zezi-Kri ki Bondye ti donn li pour li montre son bann serviter sa ki devre arive byento. Kris in anvoy son lanz kot son serviter Zan, pour fer li konnen.

Revelasyon 1:2

Zan in servi koman temwen. I'n anons mesaz Bondye ek temwannyaz Zezi-Kri lo tou sa ki i'n war.

Revelasyon 1:4

Delapar Zan, pour sa set Legliz ki dan provens Lazi. Lagras ek lape delapar Bondye ki egziste, ki ti egziste e ki pe vini; delapar sa set Lespri ki devan son tronn,

Revelasyon 1:6

I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

Revelasyon 11:7

Me kan zot ava'n fini rann temwannyaz, sa bebet ki monte sorti dan labim, pou atak zot. I pou ganny laviktwar lo zot e touy zot.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Revelasyon 12:17

Alor, dragon ti ankoler avek sa fanm. I ti ale pour fer lager kont leres desandans sa fanm, kont tou sa bann ki obei komannman Bondye e ki reste fidel avek temwannyaz Zezi.

Revelasyon 13:10

Sa enn ki devre vin prizonnyen, pou al dan prizon. Sa enn ki devre ganny touye avek lepe, pou ganny touye avek lepe. Pour sa rezon ki pep Bondye i devre annan pasyans e proklanm son lafwa.

Revelasyon 14:12

Pour sa rezon, bann ki pour Bondye, zot devre persevere, obei bann komannman Bondye e gard lafwa dan Zezi.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Revelasyon 3:10

Akoz ou'n obei mon lord avek perseverans, mon pou protez ou pandan bann letan leprev ki pe vini, pour teste bann zabitan later.

Revelasyon 6:9

Kan Zenn Mouton ti ouver senkyenm sele, mon ti war anba lotel bann ki ti'n ganny touye akoz Parol Bondye e akoz temwannyaz ki zot ti'n donnen.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.