Revelasyon 1:7 - Labib An Kreol Seselwa

⁷ La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.

Revelasyon 1:7 ပူးပေါင်းရင်းမြစ်များ

Liv Zob 33:26

I priy Bondye e i reponn li. I vin devan li dan lazwa, e Bondye i rann li lazistis.

Psonm 22:16

En group malfeter in antour mwan; zot parey en group lisyen ki'n anserkle mwan. Zot in pers mon lanmen ek mon lipye.

Psonm 68:1

Bondye i leve. Son bann lennmi i fann kler. Son bann ladverser i disperse devan li.

Psonm 97:2

Fernwanr ek nyaz i antour li. Son tronn i fonde lo lazistis ek ladrwatir.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Danyel 7:13

Dan mon bann vizyon pandan lannwit, mon ti war arive avek bann nyaz dan lesyel, enn ki ti resanble en zonm. I ti apros ver sa Vyeyar; zot ti anmenn li dan son prezans.

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Zakari 12:11

Sa zour, dimoun pou plere dan Zerizalenm parey ler ti annan dey pour Hadad-Rimonn, dan laplenn Megido.

Nonm 24:17

Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Matye 24:30

Alor, siny Fis-de-Lonm pou aparet dan lesyel. Tou bann pep lo later pou lamante e zot pou war Fis-de-Lonm vini lo nyaz dan lesyel, avek gran pwisans ek gran mazeste.

Matye 25:31

“Kan Fis-de-Lonm pou vini dan son mazeste avek tou son bann lanz, i pou asiz lo son tronn rwayal.

Matye 26:64

Zezi ti reponn li, “Ou menm ki'n dir. Me mon dir zot: Dezormen, zot pou war Fis-de-Lonm asize lo kote drwat Bondye Toupwisan, pe vini lo nyaz dan lesyel.”

Mark 13:26

Alor, zot ava war Fis-de-Lonm vini lo bann nyaz avek gran pwisans, e avek mazeste.

Mark 14:62

Zezi ti reponn, “Wi! Mwan menm; e zot pou war Fis-de-Lonm pe asiz lo kote drwat Bondye Toupwisan, e pe vini parmi bann nyaz dan lesyel.”

Levanzil dapre Lik 21:27

Alor, zot pou war Fis-de-Lonm vini lo en nyaz avek gran pwisans ek gran mazeste.

Levanzil dapre Zan 19:34

Me enn bann solda ti pers son kote avek son lans. Osito ti sorti en delo disan.

Levanzil dapre Zan 19:37

Ankor en lot pasaz i dir: Zot pou get sa enn ki zot in transperse.

1 Tesalonisyen 1:10

Zot pe espere ki son garson i retournen sorti dan lesyel. Li menm ki Bondye i'n resisite. In delivre nou kont lakoler Bondye ki pe vini.

1 Tesalonisyen 4:17

Apre, nou ki ankor vivan, nou pou ganny anleve e rasanble ansanm avek zot dan nyaz, pour rankontre Senyer dan lezer. Konmsa, nou pou touzour avek Senyer.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Ebre 6:6

Pourtan, zot in retonm dan zot vye mannyer viv. I enposib fer zot sanz zot lavi ankor en fwa. Annefe, zot pe krisifye Garson Bondye e zot pe dezonor li piblikman.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

Let Zid 1:14

Depi lontan, Henok, setyenm desandan Adan, i'n profetize lo zot size, kan i ti dir: Senyer pe vin avek son bann dizenn milye lanz sen.

Revelasyon 22:20

Sa enn ki ateste sa bann keksoz i deklare: Wi! Mon pe vini byento! Amenn! Vini, Senyer Zezi!

Revelasyon 22:4

Zot pou war son vizaz e son non pou ganny enskri lo zot fron.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.