Revelasyon 1:6 - Labib An Kreol Seselwa

⁶ I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

Revelasyon 1:6 ပူးပေါင်းရင်းမြစ်များ

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Ezai 61:6

Zot zanfan pou ganny apele: Pret pour SENYER. Zot pou ganny nonmen: Serviter nou Bondye; zot pou benefisye lo fortin bann nasyon e zot pou profit lo zot larises.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Romen 11:36

Annefe, tou i sorti kot li; tou i egziste par li e pour li. Bondye i merit laglwar pour touzour! Amenn!

Romen 15:6

Konmsa, zot tou ansanm, avek en sel lavwa, zot ava rann glwar Bondye, Papa nou Senyer Zezi-Kri.

Filipyen 2:11

e ki tou i proklanmen, ki Zezi-Kri i Senyer, pour laglwar Bondye Papa.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

1 Pyer 4:11

Sa enn ki prese, i devre transmet Parol Bondye. Sa enn ki rann servis, i devre fer li avek lafors ki Bondye in donn li: Fodre ki dan tou, Bondye i ganny glorifye par Zezi-Kri, ki posed laglwar, lapwisans pour touzour! Amenn.

1 Pyer 5:11

Li menm ki posed lapwisans pour touzour! Amenn.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 20:6

Byennere e sen, tou bann ki partisip dan sa premye rezireksyon. Dezyenm lanmor pou napa okenn pouvwar lo zot. Zot pou vin pret pour Bondye e pour Kris. Zot pou renny avek li pandan 1,000 an.

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.