Revelasyon 1:4 - Labib An Kreol Seselwa

⁴ Delapar Zan, pour sa set Legliz ki dan provens Lazi. Lagras ek lape delapar Bondye ki egziste, ki ti egziste e ki pe vini; delapar sa set Lespri ki devan son tronn,

Revelasyon 1:4 ပူးပေါင်းရင်းမြစ်များ

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

Ezai 11:2

Lespri SENYER pou repoz lo li, lespri lasazes ek lentelizans, lespri konsey ek lafors, lespri konnesans ek respe pour SENYER.

Ezai 41:4

Lekel sa enn ki'n rakont li tousala? Li menm sa enn ki'n konvok bann zenerasyon depi konmansman. Mwan menm SENYER ki premye e mon pou ankor avek bann ki dernyen!

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Zakari 3:9

Annefe, la sa ki SENYER liniver i deklare: Lo sa ros ki mon'n plas devan Zozye, sa ros rar, ki annan set kote, mwan menm ki pou grav son lenskripsyon; e dan en sel zour, mon pou efas pese sa pei.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Zakari 6:5

Lanz ti reponn mwan, “Sa i kat divan dan lesyel ki sorti dan prezans SENYER later antye.

Levanzil dapre Zan 1:1

O konmansman, Laparol ti egziste. Laparol ti avek Bondye e Laparol ti Bondye.

Akt de Zapot 19:10

Sa ti dire pandan 2 an. Konmsa, tou sa bann ki ti pe viv dan provens Lazi, Zwif koman Grek, ti antann Parol Senyer.

Akt de Zapot 2:9

I annan parmi nou ki sorti dan pei Part, Medi ek Elanm. I annan ki sorti Mezopotami, Zide ek Kapados; i annan ki sorti Pon ek provens Lazi.

Romen 1:7

Mon ekri zot zabitan Ronm, zot tou ki Bondye i kontan e ki i'n swazir pour viv pour li: Mon demande ki Bondye nou Papa, e Senyer Zezi-Kri i akord zot son lagras ek son lape.

1 Korentyen 1:3

Lagras ek lape Bondye nou Papa, e nou Senyer Zezi-Kri ava avek zot.

2 Korentyen 1:2

Pour zot tou, mon demann lape ek lagras ki sorti kot Bondye nou Papa e Senyer Zezi-Kri.

Ebre 13:8

Zezi-Kri i reste parey, yer, ozordi, demen e pour touzour.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Revelasyon 1:1

Sa liv i Revelasyon Zezi-Kri ki Bondye ti donn li pour li montre son bann serviter sa ki devre arive byento. Kris in anvoy son lanz kot son serviter Zan, pour fer li konnen.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:17

Kan mon ti war li, mon ti tonm dan son lipye koman en dimoun mor. I ti poz son lanmen drwat lo mwan. I ti dir: Pa per! Mwan menm Alfa e Omega; Premye e Dernyen;

Revelasyon 1:20

Pour sa ki konsern mister sa set zetwal ki ou'n war dan mon lanmen drwat, e sa set portlanp annor, la zot sinifikasyon: Sa set zetwal i bann lanz sa set Legliz; sa set portlanp, i sa set Legliz.

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 16:5

Mon ti antann lanz ki ansarz delo dir: Ou ki sen, ki egziste, e ki ti egziste, ou bann zizman i zis.

Revelasyon 2:12

Ekri Lanz Legliz dan Perganm: La mesaz sa enn ki annan lepe ki koup de kote:

Revelasyon 2:18

Ekri Lanz Legliz dan Tyatir: La sa ki Garson Bondye i deklare, sa enn ki son lizye i parey laflanm dife, e son lipye i parey bronz poli:

Revelasyon 2:8

Ekri Lanz Legliz dan Smirn: La sa ki Premye e Dernyen, sa enn ki ti'n mor e ki'n retourn vivan i deklare:

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.

Revelasyon 22:8

Mwan, Zan, mon'n tande e mon'n war tou sa bann keksoz. Kan mon ti war tousala, mon ti tonm ater pour ador lanz ki ti pe montre mwan sa bann keksoz.

Revelasyon 3:1

Ekri Lanz Legliz dan Sard: La sa ki sa enn ki posed sa set Lespri Bondye ek sa set zetwal i deklare: Mon konn ou bann aktivite: Zot dir ou vivan, me ou'n mor.

Revelasyon 3:14

Ekri Lanz pour Legliz dan Laodise: La sa ki Amenn, temwen fidel e vre, sa enn ki konmansman kreasyon Bondye i deklare:

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Revelasyon 4:5

Zekler, bann lavwa, ek tapaz loraz ti sorti depi sa tronn. Set flanbo ti pe brile devan sa tronn. Sa ti sa set Lespri Bondye.

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Revelasyon 5:6

Dan milye tronn, mon ti war en Zenn Mouton pe debout, antoure par sa kat kreatir vivan ek bann ansyen. I ti sanble ki sa Zenn Mouton ti'n ganny ofer an sakrifis. I ti annan set korn ek set lizye ki ti sa set lespri Bondye ki ti'n ganny anvoye partou lo later.

Revelasyon 8:2

Alor, mon ti war sa set lanz ki debout devan Bondye. Sakenn ti ganny en tronpet.