Revelasyon 1:3 - Labib An Kreol Seselwa

³ Byennere, sa enn ki lir bann parol sa profesi! Byennere bann ki ekout e gard sa ki'n ekri ladan! Annefe, letan i pros pour sa bann levennman realize.

Revelasyon 1:3 ပူးပေါင်းရင်းမြစ်များ

Proverb 8:34

Byennere sa enn ki ekout mwan! Byennere sa enn ki vey tou le zour kot mwan, e ki sirvey lantre mon lakaz.

Zeremi 51:61

I ti dir Seraya: Kan ou ariv Babilonn, fer sir ki ou lir tou sa ki'n ekri.

Matye 24:15

“Zot ava war sa enn ki apel Devastater Terib ki profet Danyel in koz lo la. I pou ganny enstale dan landrwa sen. Sa enn ki lir sa, konpran!

Levanzil dapre Lik 11:28

Me Zezi ti dir, “Ere plito sa enn ki ekout Parol Bondye e met li an pratik.”

Romen 13:11

Zot devre konnen dan ki letan nou pe viv. Ler in arive pour zot reveye dan zot sonmey. Delivrans i pli pre avek nou ki kan nou ti krwar pour premye fwa.

Romen 13:12

Lannwit in avanse, lizour pe aprose. Annou rezet bann aksyon ki ganny fer dan fernwanr e pran bann zarm ki permet konbat dan lalimyer.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

2 Pyer 3:8

An tou ka, mon bann zanmi! Pa oubliy sa pwen: Pour Senyer, en zour i koman 1,000 an, e 1,000 an i koman en zour.

Revelasyon 22:10

I ti azoute: Pa gard sekre parol profesi ki dan sa liv, akoz letan pour tousala arive i pros.

Revelasyon 22:12

Zezi ti azoute: Mon pe vini byento. Mon pou anmenn avek mwan mon rekonpans pour mwan pey sakenn dapre son bann aksyon.

Revelasyon 22:20

Sa enn ki ateste sa bann keksoz i deklare: Wi! Mon pe vini byento! Amenn! Vini, Senyer Zezi!

Revelasyon 3:11

Mon pe vini byento. Gard byen for sa ki ou posede pour ki personn pa aras ou, ou kouronn.