Revelasyon 1:2 - Labib An Kreol Seselwa

² Zan in servi koman temwen. I'n anons mesaz Bondye ek temwannyaz Zezi-Kri lo tou sa ki i'n war.

Revelasyon 1:2 ပူးပေါင်းရင်းမြစ်များ

Levanzil dapre Zan 1:32

La temwannyaz ki Zan ti fer: Mon ti war Lespri desann sorti dan lesyel dan laform en pizon e apoz lo li.

Levanzil dapre Zan 12:17

Lafoul ki ti avek Zezi kan i ti'n apel Lazar dan tonbo e lev li dan lanmor, ti rakont sa ki zot ti'n war.

Levanzil dapre Zan 19:35

Sa enn ki pe rakont sa bann levennman, ti war li menm e sa ki i rakonte i vre. I konnen ki i pe dir laverite pour ki zot osi, zot krwar.

Levanzil dapre Zan 21:24

Se li menm sa disip ki'n temwanny sa bann levennman ki i'n ekri. Nou konnen ki son temwannyaz i vre.

Levanzil dapre Zan 3:11

Mon pe dir ou, sa i laverite: Nou koz lo sa ki nou konnen, e rakont sa ki nou'n war; me zot pa aksepte nou temwannyaz.

Akt de Zapot 22:15

Annefe, ou pou vin son temwen devan tou dimoun, lo tou sa ki ou'n war e tande.

Akt de Zapot 26:16

Leve debout! Mon'n aparet avek ou pour fer ou vin mon serviter; pour ou vin en temwen pour rakonte ki mannyer ou'n war mwan ozordi e anons tou sa ki mon pou montre ou.

Akt de Zapot 4:20

Kanta nou, nou pa kapab aret koz lo sa ki nou'n war e tande.”

1 Korentyen 1:6

Ensi, temwannyaz lo Kris in ganny byen etabli parmi zot.

1 Korentyen 2:1

Kan mon ti vin kot zot frer ek ser, mon pa ti vin anons plan sekre Bondye avek bann parol konplike, oubyen bann gran fraz lasazes.

1 Zan 1:1

Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.

3 Zan 1:12

Tou dimoun i dir dibyen lo Demetriis. Laverite i temwanny dan son faver. Nou osi, nou rann en bon temwannyaz e ou konnen ki nou temwannyaz i vre.

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:19

Aprezan, ekri sa ki ou'n war, sa ki pe pase aprezan, e sa ki pou arive apre.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Revelasyon 12:17

Alor, dragon ti ankoler avek sa fanm. I ti ale pour fer lager kont leres desandans sa fanm, kont tou sa bann ki obei komannman Bondye e ki reste fidel avek temwannyaz Zezi.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Revelasyon 22:21

Lagras Senyer Zezi ava avek zot tou! Amenn.

Revelasyon 6:9

Kan Zenn Mouton ti ouver senkyenm sele, mon ti war anba lotel bann ki ti'n ganny touye akoz Parol Bondye e akoz temwannyaz ki zot ti'n donnen.