Psonm 99:3 - Labib An Kreol Seselwa

³ Loue son non ki gran e formidab. SENYER, i sen.

Psonm 99:3 ပူးပေါင်းရင်းမြစ်များ

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 100:4

Antre par bann laport tanp avek bann kantik remersiman. Antre dan lakour son tanp avek bann kantik louanz. Remersye li e loue son non.

Psonm 103:1

Mon loue SENYER. Mon remersye SENYER. Mon loue son non sen avek tou mon leker.

Psonm 111:9

In donn delivrans son pep; in donn li son lalyans pour touzour. Son non i sen e formidab.

Psonm 145:17

SENYER i zis dan tou sa ki i antreprann; i fidel dan tou sa ki i fer.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 76:1

Bondye i renonmen dan Zida. Son non i gran dan Izrael.

Psonm 76:12

I abes lorgey bann sef, i met lafreyer dan bann lerwa lo later.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Levanzil dapre Zan 17:11

Aprezan, mon nepli dan lemonn, me zot, zot dan lemonn, e mwan, mon pe vin kot ou. Papa Sen! Prezerv zot par pouvwar ou non, sa non ki ou ti donn mwan, pour ki zot ava vin en sel, parey ou ek mwan nou en sel.

Deterononm 28:58

Si ou pa obzerv fidelman tou bann parol sa lalwa ki'n ganny ekri dan sa liv, si ou pa onor non glorye e merveye SENYER, ou Bondye,

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.