Psonm 97:3 - Labib An Kreol Seselwa

³ Dife i avans devan li; i bril son bann lennmi dan tou kote.

Psonm 97:3 ပူးပေါင်းရင်းမြစ်များ

Psonm 18:8

Lafimen ti sorti dan son nennen, e labrez ek laflanm ti sorti dan son labous.

Psonm 18:9

I ti deroul lesyel e i ti desann avek en nyaz epe anba son lipye.

Psonm 50:3

Nou Bondye pe vini, i pa pe gard silans. Devan li, en dife ki devor tou. Otour li, i annan en tanpet vyolan.

Ezekyel 1:4

Kan mon ti gete, en rafal divan ti soufle sorti dan Nor e anmenn avek li en gro nyaz; en rebor lalimyer ti ilimin lesyel otour li. Laflanm dife ti sorti dan son milye; i ti klate parey bronz ki pe fonn dan dife.

Danyel 7:10

En larivyer dife ti sorti e koule devan li. Plizyer milyon dimoun ti servi li, e plizyer milyar ti debout devan li. Bann ziz ti pran zot plas, e bann liv ti ganny ouver.

Habakouk 3:5

Devan li, en lepidemi pe avanse; deryer li, en lafyev i swiv dan son lepa.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Deterononm 4:11

Zot ti aprose e debout devan montanny ki ti anflanm ziska dan lesyel e kouver avek nyaz ek brouyar.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

Deterononm 5:4

SENYER ti koz avek zot fas a fas lo montanny, dan milye dife.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Ebre 12:29

Annefe, nou Bondye i en dife ki devor tou.

Revelasyon 11:5

Si i annan ki esey fer zot dimal, dife i sorti dan zot labous e detri zot lennmi. Konmsa, dimoun ki pou anvi fer zot ditor, pou ganny detri.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.