Psonm 97:10 - Labib An Kreol Seselwa

¹⁰ Ou ki kontan SENYER! Deteste lemal. I vey lo lavi bann ki obei li; i delivre zot dan lanmen bann malfeter.

Psonm 97:10 ပူးပေါင်းရင်းမြစ်များ

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Romen 12:9

Lanmour i devre senser. Deteste sa ki mal e reste atase avek sa ki byen.

Psonm 145:20

SENYER i vey lo tou dimoun ki kontan li; me i pou detri bann malfeter.

Psonm 34:14

Aret fer sa ki mal, pratik sa ki byen; rod lape e met li an pratik.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Danyel 3:28

Naboukodonozor ti dir, “Beni non Bondye Sadrak, Mesak ek Abed-Nego, ki'n anvoy son lanz pour sov son bann serviter akoz zot annan konfyans dan li. Zot in dezobei lord lerwa e riske zot lavi, plito ki servi e ador en lot bondye apar zot prop Bondye.

2 Tesalonisyen 3:2

Priye pour ki Bondye i delivre nou avek sa bann move dimoun mesan. Annefe, pa tou dimoun ki krwar dan Bondye.

Proverb 2:8

I protez sa enn ki mars dapre ladrwatir, i vey semen sa enn ki fidel.

Psonm 31:23

Zot son bann fidel! Kontan SENYER. SENYER i protez sa enn ki fidel anver li; me i fer bann arogan pey doub.

1 Zan 5:18

Nou konnen ki en dimoun ki'n ne koman zanfan Bondye pa fer pese, akoz Bondye i protez sa enn ki i'n donn nesans, e dyab pa kapab tous li.

1 Zan 4:19

Nou, nou kontan, akoz Bondye in kontan nou an premye.

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Danyel 6:27

I delivre e i sove. I akonpli bann siny ek mervey dan lesyel e lo later. I'n delivre Danyel dan grif bann lyon.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Korentyen 8:3

Me sa enn ki kontan Bondye, Bondye i konn li.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Proverb 3:7

Pa krwar ou tro saz; annan respe pour SENYER e elwanny avek sa ki mal.

Psonm 125:3

En gouvernman malonnet pa pou touzour domin lo posesyon bann zis. Konmsa, dimoun ki zis pa pou tonm dan lemal.

Psonm 119:163

Mon deteste mansonz e mon degout li. Se ou lalwa ki mon kontan.

Psonm 91:14

Mon pou delivre sa enn ki kontan mwan. Mon pou protez sa enn ki konn mon non.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

Romen 7:24

Mon en zonm malere! Lekel ki pou delivre mwan dan sa lekor lanmor?

Romen 7:15

Mon pa konpran sa ki mon fer: Annefe, mon pa fer sa ki mon anvi fer; me mon fer sa ki mon deteste.

Danyel 6:22

Mon Bondye in anvoy son lanz pour ferm lagel bann lyon ki pa'n fer mwan okenn dimal, akoz i'n war mon linosans. Devan ou osi Mazeste, mon pa'n fer nanryen mal.”

Psonm 119:104

Ou bann direktiv i rann mwan saz. Alor, mon deteste tou semen mansonz.

Psonm 101:3

Mon pa pou get nanryen ki napa valer. Mon pou deteste fason fer bann ki egare. Zot pa pou annan nanryen pour fer avek mwan.

Psonm 36:4

I prepar son bann move kou depi dan son lili. I antete swiv move semen; i pa fer nanryen ki byen.

Psonm 121:7

SENYER pou protez ou kont tou maler. I pou vey lo ou lavi.

Amos 5:14

Touzour fer dibyen, non pa dimal. Konmsa, SENYER Bondye liniver ava avek zot parey zot dir.