Psonm 96:7 - Labib An Kreol Seselwa

⁷ Pep ki lo later! Rekonnet ki SENYER i gran. Rekonnet laglwar ek lapwisans SENYER.

Psonm 96:7 ပူးပေါင်းရင်းမြစ်များ

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

1 Pyer 5:11

Li menm ki posed lapwisans pour touzour! Amenn.

Revelasyon 14:7

I ti kriy avek en lavwa for: Annan respe pour Bondye e rann li glwar, akoz ler son zizman in arive. Ador sa enn ki'n kree lesyel, later, lanmer ek bann sours delo!

Revelasyon 19:1

Apre sa, mon ti antann en lavwa for, konmsi lavwa en gran lafoul dan lesyel ki ti kriye: Loue Senyer! Delivrans, laglwar ek pwisans i pour nou Bondye!

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

Revelasyon 5:13

Mon ti osi antann tou bann kreatir dan lesyel, lo later, anba later, dan lanmer e tou kreatir dan liniver antye ki ti pe sante: Pour li, sa enn ki pe asiz lo tronn e pour Zenn Mouton! Louanz, loner, laglwar, pwisans pour touzour!

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Revelasyon 7:12

Zot ti dir: Amenn! Louanz, laglwar, lasazes rekonesans, loner, pwisans, lafors pour nou Bondye pour touzour. Amenn!