Psonm 96:4 - Labib An Kreol Seselwa

⁴ SENYER i gran; i merite ki nou loue li. I formidab, plis ki tou lezot bondye.

Psonm 96:4 ပူးပေါင်းရင်းမြစ်များ

2 Kronik 2:4

I mon lentansyon konstri en tanp an loner SENYER, mon Bondye. Mon pou dedye sa landrwa sen kot mon pep pou ador SENYER, mon Bondye, e bril lansan parfimen e ekspoz dipen sakre devan li. Nou pou ofer SENYER sakrifis konplet tou le bomaten, tou le swar e osi tou le saba, sak nouvellin ek lezot zour lafet, parey SENYER in ordonn Izrael pour touzour.

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 145:3

SENYER i gran; i merit ganny tou louanz. Son grander i san limit.

Psonm 150:2

Loue li pour bann mervey ki i'n fer! Loue li pour son grander enfini!

Psonm 18:3

Mon apel SENYER, mon loue li. I delivre mwan kont mon bann lennmi.

Psonm 48:1

SENYER i gran. Dan lavil nou Bondye, son montanny sakre, i merit tou louanz.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 66:5

Vin get tou sa ki Bondye in fer! Bann aksyon terib ki i'n akonpli i formidab pour bann zabitan later.

Psonm 76:7

Ou formidab! Lekel ki kapab reste debout devan ou kan ou lakoler i leve?

Psonm 86:10

Ou vreman gran e ou fer bann mervey. Zis ou ki Bondye.

Psonm 89:7

Bondye i ganny respekte dan konsey bann lanz; i gran e formidab dan son lantouraz.

Psonm 95:3

SENYER i en gran Bondye; i en gran Lerwa par lao tou bann bondye.

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Levanzil dapre Lik 12:5

Mon ava montre zot lekel ki zot devre per: Zot devre per sa enn ki kapab touy lekor, e osi annan pouvwar pour zet zot dan lanfer. Mon dir zot: Sanmenm sa enn ki zot devre per.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

1 Samyel 4:8

Maler lo nou! Lekel ki pou delivre nou dan lanmen sa bann bondye? Sanmenm sa bann bondye ki ti pini bann Ezipsyen avek toudsort fleo dan dezer.