Psonm 94:9 - Labib An Kreol Seselwa

⁹ Eski sa enn ki'n fer zorey pa antann? Eski sa enn ki'n fer lizye pa war kler?

Psonm 94:9 ပူးပေါင်းရင်းမြစ်များ

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Psonm 34:16

SENYER i tourn kont bann malfeter pour fer disparet zot non lo later.

Psonm 44:21

Bondye ki konn sekre leker imen, pa ti ava'n remarke?

Egzod 4:11

SENYER ti dir li, “Lekel ki'n donn en et imen en labous? Lekel ki rann dimoun kozpa, oubyen sourd, war kler oubyen aveg? Pa mwan SENYER, ki fer tousala?

Proverb 20:1

Diven i rann ensolan e labwason for i rann azite; sa enn ki les lalkol soul li, pa kapab vin saz.

Proverb 20:12

SENYER ki'n fer lizye pour war e zorey pour antann.

Ezai 59:1

Pa krwar lebra SENYER i tro kourt pour li pa kapab sove; ni son zorey tro dir pour li pa tande.

Ezekyel 35:13

Ou ti dir bann parol arogan kont mwan; mwan menm mon'n tande.

1 Korentyen 12:17

Si lekor antye ti lizye, ki mannyer i ti pou fer pour tande? Oubyen, si i ti zis zorey, ki mannyer i ti pou fer pour santi?