Psonm 94:1 - Labib An Kreol Seselwa

¹ SENYER! Ou en Bondye ki fer vanzans; Bondye vanzans! Fer konnen ki ou ete.

Psonm 94:1 ပူးပေါင်းရင်းမြစ်များ

2 Rwa 9:7

Ou ava detri lafanmir ou met, Akab; konmsa, mon ava vanz kont Zezabel, disan tou mon bann serviter, bann profet, e disan tou bann serviter SENYER.

Psonm 50:2

Depi Zerizalenm, sa lavil avek en labote parfe, SENYER i aparet dan lalimyer.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Ezai 35:4

Al dir sa bann ki leker i ranpli avek lafreyer: Reste for! Pa bezwen per! La ou Bondye! I pe vin vanz pour ou, pour rann ou bann lennmi tou dimal ki zot in fer ou. I pou vin sov ou.

Ezai 59:17

I met lazistis koman en zile proteksyon; lo son latet i met kas delivrans. I abiy li dan lenz vanzans e anvlop li dan palto zalouzi.

Zeremi 50:28

Bann sirvivan ki ti'n sape Babilonn e ki'n ariv Zerizalenm ti rakonte koman SENYER nou Bondye in fer son revanz pour sa ki bann Babilonyen ti'n fer avek son tanp.

Zeremi 51:56

Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Ebre 10:30

Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.