Psonm 92:4 - Labib An Kreol Seselwa

⁴ SENYER! Ou bann mervey i donn mwan lazwa. Mon sant dan lazwa pour travay ki ou'n fer avek ou lanmen.

Psonm 92:4 ပူးပေါင်းရင်းမြစ်များ

Psonm 104:31

Laglwar SENYER i dire pour touzour! SENYER i rezouir dan tou sa ki i'n fer!

Psonm 104:34

Mon swete ki mon parol i fer li plezir. Mon rezoui dan SENYER.

Psonm 126:3

Annefe, SENYER in fer bokou keksoz pour nou e nou ti dan lazwa.

Psonm 143:5

Mon mazin letan pase; mon medit lo ou bann mervey; mon reflesir lo louvraz ou lanmen.

Psonm 33:2

Zwe lanmizik pour loue SENYER! Loue li lo laarp dis lakord!

Psonm 64:10

Dimoun ki zis! Rezoui dan SENYER. Pran li pour labri! Dimoun ki leker i drwat ava dan lazwa.

Psonm 8:6

Ou'n donn li dominasyon lo tou sa ki ou'n kree. Ou'n met tou anba son kontrol:

Psonm 90:16

Fer ou bann serviter war bann mervey ki ou'n akonpli e nou bann zanfan ava dekouver ou laglwar.

Zeremi 31:7

La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.

Levanzil dapre Lik 1:47

Mon lespri i dan lazwa akoz Bondye, mon Sover.

Levanzil dapre Zan 16:22

Pour zot osi i parey: Aprezan, zot tris; me mon pou revwar zot apre. Alor, zot leker pou ranpli avek lazwa, e personn pa pou kapab aras zot sa lazwa.

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.