Psonm 92:12 - Labib An Kreol Seselwa

¹² Sa enn ki obei Bondye i grandi parey en pye palm; i pouse parey en pye sed dan Liban.

Psonm 92:12 ပူးပေါင်းရင်းမြစ်များ

1 Rwa 4:33

I'n koz lo bann pye dibwa: Depi lo sed Liban, ziska lo izop ki pous lo miray. I'n osi koz lo zannimo, zwazo, reptil ek pwason.

1 Rwa 6:29

Lo tou bann miray tanp, zot ti grav bann motif dan laform seriben, brans palm ek bann fler ki'n ouver.

Ester 9:5

Alor, bann Zwif ti masakre tou zot bann lennmi; zot ti touy zot e fer zot disparet. Zot ti fer sa ki zot ti oule avek sa bann dimoun ki ti ay zot.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 104:16

Bann pye dibwa ek bann pye sed Liban ki SENYER in plante i ganny byen aroze.

Psonm 148:9

Bann montanny ek kolin; pye fri ek tou bann pye sed;

Psonm 37:34

Met ou konfyans dan SENYER e swiv son semen. I ava fer ou loner posed sa pei e ou ava war malfeter ganny detri.

Psonm 52:8

Me mwan, mon parey en pye zoliv ver dan tanp Bondye. Mon met mon konfyans dan fidelite Bondye pour touzour.

Psonm 72:7

Lazistis ava fleri pandan son renny. Lape ava dire osi lontan ki lalin i briye.

Psonm 92:7

Menm si bann malfeter i pous parey move zerb e bann ki fer sa ki mal i prospere, zot pou ganny detri pour touzour.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezai 65:22

Zot pa pour konstri lakaz pour ki en lot i reste ladan. Zot pa pou plante pour ki en lot i manz son fri, akoz lavi mon pep pou dire parey en pye dibwa e sa bann ki mon'n swazir, pou profit travay ki zot in fer par zot lanmen.

Zeremi 17:8

I parey en pye dibwa plante obor delo. Son rasin i desann ver larivyer. I pa per kan letan lasaler i vini, son fey i reste touzour ver. En lannen lasesres pa trakas li; i kontinyen donn fri.

Amos 2:9

Pourtan, mon ti detri bann Amorit devan zot. Sa bann zabitan ti osi gran ki bann pye sed e osi solid ki bann pye senn. Mon ti detri tou zot fri ek zot bann rasin.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Nonm 24:6

Zot parey bann long ranze palmye obor larivyer parey bann aloes ki SENYER in plante, parey pye sed obor delo.