Psonm 91:3 - Labib An Kreol Seselwa

³ I ava delivre ou kont latrap bann saser; i ava geri ou kont lepidemi terib.

Psonm 91:3 ပူးပေါင်းရင်းမြစ်များ

2 Samyel 24:15

SENYER ti fer vin lepidemi lo Izrael depi bomaten, pandan letan ki ti'n fikse; 70,000 zonm parmi lepep, depi Dann ziska Berseba, ti mor.

1 Rwa 8:37

Kan pou annan lafanmin dan pei; kan pou annan lepidemi; kan bann plantasyon pou ganny atake par maladi, oubyen sotrel ek zensek; kan lennmi ava anserkle ou pep devan laport son lavil; kan i ava annan lepidemi, e toudsort maladi;

Psonm 124:7

Nou'n kapab sape parey en zwazo ki'n sape dan lasenn bann saser. Zot lasenn in kase e nou'n kapab sove.

Psonm 141:9

Protez mwan kont latrap ki zot in poze pour mwan e kont pyez bann malfeter.

Psonm 68:21

Me Bondye pou kraz latet son bann lennmi ki, avek zot seve long, zot kontinyen viv en lavi koupab.

Psonm 91:6

ni lepidemi ki rode dan fernwanr, ni bann lepidemi ki tap dan gran zour.

Proverb 6:5

Degaz ou dan sa pyez, parey en gazel dan latrap, parey en zwazo dan lanmen saser.

Proverb 7:23

ziska ki en fles ti transpers son lefwa. I ti parey en zwazo ki fons dan en lasenn, san konnen ki son lavi ti an danze.

Eklezyas 9:12

Annefe, zonm pa konn zour son maler plis ki en pwason dan lasenn oubyen en zwazo dan latrap. Parey zot, maler i tonm lo imen san ki i pe atann.

Oze 9:8

Bondye in anvoy son profet pour vey lo Efraim; me zot met latrap pour li partou; i ganny atake menm dan tanp Bondye.

Amos 3:5

Eski en zwazo i tonm dan en latrap si napa nanryen pour atir li? Eski en latrap i sote si napa nanryen ki'n pri ladan?

1 Timote 6:9

Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.

2 Timote 2:26

Alor, zot ava retourn dan zot bon sans e debaras zot dan pyez kot dyab in graponn zot, pour fer zot soumet anba son lavolonte.