Psonm 9:2 - Labib An Kreol Seselwa

² Mon pou rezoui dan lazwa, mon pou loue ou non, Bondye Treo!

Psonm 9:2 ပူးပေါင်းရင်းမြစ်များ

Psonm 138:1

SENYER! Mon remersye ou avek tou mon leker; mon loue ou devan tou bann lanz.

Psonm 26:7

Mon sant en kantik remersiman pour tou bann mervey ki ou'n fer pour mwan.

Psonm 27:6

La anler, mon pou ganny laviktwar lo mon bann lennmi ki antour mwan. Mon pou kapab ofer bann sakrifis dan son tanp, avek laklamasyon e dan lazwa. Mon pou sante, mon pou zwe lanmizik pour SENYER.

Psonm 28:7

SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 5:11

Me rann ere tou sa bann ki'n met zot konfyans dan ou. Zot ava sant zot lazwa pour touzour. Kouver zot avek ou proteksyon. Konmsa, tou sa bann ki kontan ou non, ava rezoui akoz ou.

Psonm 7:17

Mon pou remersye SENYER akoz i zis. Mon pou loue non SENYER Treo.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Psonm 86:12

SENYER, mon Bondye! Mon oule dir ou mersi avek tou mon leker. Mon pou touzour glorifye ou non.

Psonm 92:1

I bon pour remersye SENYER, e sant pour ou non, Bondye Treo!

Psonm 92:4

SENYER! Ou bann mervey i donn mwan lazwa. Mon sant dan lazwa pour travay ki ou'n fer avek ou lanmen.

Psonm 96:3

Proklanm son grander parmi tou bann nasyon; rakont son bann mervey parmi tou bann pep.

Psonm 97:12

Ou ki obei SENYER! Reste dan lazwa. Sant bann louanz pour son non sen!

Psonm 97:9

Annefe, ou menm SENYER, Bondye Treo, par lao later! Ou ganny eleve par lao tou bondye.

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.