Psonm 9:19 - Labib An Kreol Seselwa

¹⁹ Leve SENYER! Pa les bann imen pran kontrol. Anmenn bann nasyon devan ou pour zot ganny zize.

Psonm 9:19 ပူးပေါင်းရင်းမြစ်များ

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

2 Kronik 14:11

Asa ti kriy ver SENYER, son Bondye: Ou tousel ki kapab sekour sa ki feb, koman sa ki for. Vin sekour nou, SENYER, Bondye, akoz nou kont lo ou. Nou'n sorti pour lager lo ou non, kont sa gran larme. SENYER, ou menm, nou Bondye, pa permet ki zonm i ganny laviktwar kont ou.

Psonm 10:12

Leve SENYER! Mon Bondye! Lev ou lanmen. Pa oubliy bann malere!

Psonm 149:7

pour vanz bann nasyon e pini bann pep;

Psonm 3:7

Leve SENYER! Mon Bondye! Sov mwan. Ou kalot mon bann lennmi lo zot lazou; ou kas ledan mon bann malfeter.

Psonm 44:23

SENYER! Leve! Akoz ou dormi? Sorti dan ou sonmey! Pa rezet nou pour touzour!

Psonm 44:26

Leve! Vin sekour nou! Delivre nou akoz ou fidelite.

Psonm 7:6

Dan ou lakoler, leve SENYER! Debout kont lakoler mon bann lennmi! Sov mwan, ou ki rann lazistis!

Psonm 79:6

Fer ou lakoler tourn lo bann nasyon ki pa konn ou e lo bann rwayonm ki pa ador ou.

Psonm 80:2

devan Efraim, Benzamen ek Manase! Revel ou pwisans e delivre nou!

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Zoel 3:12

Bann nasyon, bouze! Mont dan vale Zozafat. La, mon pou asize, pour mwan ziz tou bann nasyon dan zalantour.

Mise 5:15

Apre, avek en gran lakoler, mon pou tir vanzans lo bann nasyon ki pa'n obei mwan.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Zakari 14:18

Si bann fanmir Ezipsyen pa monte, e pa prezant zot, alor fleo ki SENYER in frap bann nasyon ki pa monte pour selebre lafet Payot pour tonm lo zot.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

1 Samyel 2:9

I protez lepa son bann fidel. Me bann malfeter i al mor dan fernwanr, akoz zonm pa reisi par lafors.