Psonm 9:17 - Labib An Kreol Seselwa

¹⁷ Bann malfeter pou al dan lemonn lanmor, parey tou bann nasyon ki oubliy Bondye.

Psonm 9:17 ပူးပေါင်းရင်းမြစ်များ

Liv Zob 5:13

Bondye i pran bann saz dan zot prop pyez, e zot bann fo proze pa abouti dan nanryen.

Liv Zob 8:13

La sa ki arive avek bann ki oubliy Bondye; lespwar en malfeter ava disparet.

Psonm 106:13

Me zot ti vit oubliy sa ki i ti'n fer; zot pa ti esper son konsey.

Psonm 44:17

Tousala in ariv nou. Pourtan, nou pa'n oubliy ou, nou pa'n zanmen trai ou lalyans.

Psonm 44:20

Si nou ti'n oubliy non nou Bondye, oubyen lev nou lanmen ver en lot bondye,

Psonm 49:14

Parey mouton, zot ganny destinen pour lanmor. Lanmor i zot berze. Zot desann drwat dan latonm. Apre sa, dimoun ki zis, i kraz zot anba lipye; zot perdi zot laform. Lemonn lanmor i vin zot demer.

Psonm 50:22

Zot ki'n oubliy Bondye! Fer byen atansyon. Otreman, mon pou desir zot e personn pa pour vin delivre zot.

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Proverb 5:22

Malfeter i ganny pri dan son prop latrap. Lasenn son pese i anpay li.

Ezai 3:11

Maler lo zot bann malfeter! Tou pou mal fini pour zot. Zot pou ganny trete dapre zot aksyon.

Ezai 5:14

Alor, lapeti lemonn lanmor in ogmante e in ouver son labous byen gran; bann gran zans dan Zerizalenm e popilasyon antye lavil pou desann; ansanm, zot pou al dan zot tapaz lafet.

Zeremi 13:25

Sanmenm sa ou sor, SENYER i deklare. Sanmenm sa ki i'n deside pour fer avek ou, akoz ou'n oubliy li e ou'n al fer konfyans dan mansonz.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Ezekyel 22:16

Akoz zot, mon pou ganny abese devan bann nasyon. Konmsa, zot ava rekonnet ki mwan menm SENYER.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.