Psonm 89:3 - Labib An Kreol Seselwa

³ Ou'n deklare: Mon'n fer en lalyans avek sa enn ki mon'n swazir; mon'n promet David mon serviter:

Psonm 89:3 ပူးပေါင်းရင်းမြစ်များ

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

2 Samyel 3:9

Bondye ava pini mwan si mon pa fer pour David dapre serman ki Bondye in fer avek li:

1 Rwa 8:16

Depi sa zour ki mon'n fer mon pep Izrael sorti Lezip, mon pa'n zanmen swazir en lavil parmi tou bann tribi Izrael kot pou konstri en lakaz ki port mon non; me mon'n swazir David pour fer li vin sef mon pep Izrael.

Psonm 132:11

SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.

Psonm 78:70

I ti swazir David koman son serviter; i ti al sers li parmi bann mouton.

Psonm 89:19

Dan en vizyon, ou ti koz avek ou bann fidel. Ou ti dir zot: Mon'n poz en kouronn lo en zonm for; mon'n fer loner en zonm ki'n ganny swazir parmi mon pep.

Psonm 89:28

Mon pou gard mon fidelite anver li pour touzour. Mon pou respekte lalyans ki mon'n fer avek li.

Psonm 89:39

Ou'n kas lalyans ki ou ti'n fer avek ou serviter; ou'n zet ater son kouronn e ou'n profann li.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Zeremi 30:9

Zot ava servi SENYER zot Bondye, e David, zot lerwa ki mon pou donn zot.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Akt de Zapot 2:30

David ti en profet, e i ti konn bann promes ki Bondye ti'n fer avek li par serman. Bondye ti promet pour fer enn son desandan vin lerwa parey li.

Ebre 7:21

Me Zezi ti ganny etabli pret par serman kan Bondye ti deklare: Senyer in fer sa serman, e i pa pou zanmen sanz son lide: Ou pret pour touzour.

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.