Psonm 86:9 - Labib An Kreol Seselwa

⁹ Tou bann nasyon ki ou'n kree pou prosternen devan ou, SENYER e zot ava rann glwar ou non.

Psonm 86:9 ပူးပေါင်းရင်းမြစ်များ

2 Kronik 6:33

ekout zot depi lao dan lesyel kot ou reste e donn li tou sa ki i demande. Konmsa, tou pep lo later ava konn ou e respe ou parey pep Izrael, ou pep. Zot ava osi konnen ki sa tanp ki mon'n konstri e konsakre, i pour ou.

Psonm 102:15

Bann nasyon pou annan respe pour non SENYER; tou bann lerwa lo later pou respekte son laglwar.

Psonm 102:18

Ekri sa pour bann zenerasyon fitir e sa nouvo pep ava loue SENYER:

Psonm 66:4

Tou dimoun lo later i ador ou; zot sant an ou loner; zot sant an loner ou non.

Psonm 67:7

Bondye! Kontinyen beni nou, e tou bann pep partou lo later ava onor li.

Psonm 72:19

Beni son non glorye pour touzour! Son laglwar i ranpli later! Amenn! Amenn!

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 43:7

Retournen, zot tou ki port mon non, zot ki mon'n kree pour mon laglwar, ki mon'n formen e fer.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezai 66:23

Tou dimoun pou vin ador mwan sak nouvellin, sak saba. SENYER ki deklare.

Sofoni 3:9

Alor, mon pou pirifye labous bann pep, pour ki zot tou, zot envok non SENYER e servi mwan avek en menm leker.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 15:9

Konmsa menm ki bann non-Zwif, zot osi, zot in kapab rann glwar Bondye pour son labonte, parey Lekritir i deklare: Pour sa rezon, mon pou loue ou parmi bann nasyon. Mon pou sant an loner ou non.

Efezyen 1:12

Nou ki ti bann premye pour met nou lesperans dan Kris, annou loue Bondye dan son grander!

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 20:3

Lanz ti zet li dan labim, ki i ti fermen e sele pour ki i nepli kapab tronp bann nasyon ziska ki 1,000 an ava'n fini pase. Apre sa, fodre ki i ganny large pour en pti pe letan.