Psonm 86:8 - Labib An Kreol Seselwa

⁸ Napa okenn bondye ki parey ou, SENYER; napa nanryen parey bann mervey ki ou'n fer.

Psonm 86:8 ပူးပေါင်းရင်းမြစ်များ

2 Kronik 2:4

I mon lentansyon konstri en tanp an loner SENYER, mon Bondye. Mon pou dedye sa landrwa sen kot mon pep pou ador SENYER, mon Bondye, e bril lansan parfimen e ekspoz dipen sakre devan li. Nou pou ofer SENYER sakrifis konplet tou le bomaten, tou le swar e osi tou le saba, sak nouvellin ek lezot zour lafet, parey SENYER in ordonn Izrael pour touzour.

Psonm 135:5

Mwan, mon konnen ki SENYER i gran; nou SENYER i par lao tou lezot bondye.

Psonm 136:4

Li tousel ki fer bann gran mervey; son fidelite i dire pour touzour.

Psonm 89:6

Lekel dan lesyel ki parey SENYER? Lekel parmi bann zabitan dan lesyel ki parey SENYER?

Psonm 89:7

Bondye i ganny respekte dan konsey bann lanz; i gran e formidab dan son lantouraz.

Psonm 89:8

SENYER, Bondye liniver! Lekel ki osi pwisan ki ou, SENYER? Ou fidelite i antour ou.

Psonm 95:3

SENYER i en gran Bondye; i en gran Lerwa par lao tou bann bondye.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 8:6

Aaron ti lev son lanmen dan direksyon bann larivyer Lezip. Grenouy ti monte e kouver Lezip antye.

Ezai 40:18

Avek ki alor ou pou konpar Bondye? Lekel ki resanble li?

Ezai 40:25

Avek ki alor ou pou konpar Bondye? Lekel ki resanble li? Bondye Sen i demande.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Danyel 3:29

Alor, mon ordonn tou bann pep, tou zabitan ki sorti dan diferan pei e ki koz bann diferan langaz: Okenn dimoun ki koz kont Bondye Sadrak, Mesak e Abed-Nego, pou ganny touye e zot lakaz pou ganny detri, akoz napa okenn lot Bondye ki kapab anmenn delivrans parey.”

Deterononm 3:24

Senyer BONDYE! Ou'n konmans montre mwan, ou serviter, ou grander ek ou pwisans. Napa lot bondye dan lesyel oubyen lo later ki kapab akonpli bann mervey ek bann aksyon formidab!

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye