Psonm 85:6 - Labib An Kreol Seselwa

⁶ Eski ou pa pou fer nou reviv e fer ou pep retrouv son lazwa?

Psonm 85:6 ပူးပေါင်းရင်းမြစ်များ

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Psonm 53:6

Ti ava bon war delivrans Izrael sorti Siyon, kan Bondye i retabli sityasyon son pep. Desandan Zakob pou dan lazwa; pep Izrael pou kontan.

Psonm 71:20

Menm si ou'n fer mwan konn maler ek soufrans, ou pou redonn mwan lavi; ou pou fer mwan remonte, sorti dan profonder later.

Psonm 74:1

Mon Bondye! Akoz ou'n rezet nou pour touzour? Akoz sa gran lakoler kont nou, ou troupo?

Psonm 77:8

Eski son fidelite anver nou in disparet pour touzour? Eski son promes in fini pour debon?

Psonm 80:18

Alor, zanmen nou pou kit ou ankor. Fer nou reviv e nou ava glorifye ou non.

Psonm 90:14

Ranpli nou avek ou fidelite depi bomaten, pour ki nou ava zwaye e sante tou nou lavi.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Zeremi 3:5

Ou pou gard rankin kont mwan pour touzour? Sanmenm ki ou ti dir. Me ou'n kontinyen avek tou ou bann forfe, e ou'n reisi kantmenm.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Oze 6:2

I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.