Psonm 85:2 - Labib An Kreol Seselwa

² Ou'n efas bann fot ou pep; ou'n pardonn zot tou zot pese.

Psonm 85:2 ပူးပေါင်းရင်းမြစ်များ

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Psonm 126:1

Zour SENYER ti retabli Zerizalenm, nou ti krwar ki nou ti pe reve.

Psonm 32:1

Byennere bann ki zot fot i ganny pardonnen, e bann ki zot pese i ganny oubliye!

Psonm 78:38

Pourtan, dan son konpasyon i ti pardonn zot, zot pese e i pa ti detri zot. Souvan, i ti retenir son lakoler, e i pa ti les sape son firer.

Zeremi 50:20

Kan sa zour i arive e dan sa letan, SENYER i deklare, ou pou rod fot Izrael, me ou pa pou trouve. Ou pou rod pese Zida, me ou pa pou war, akoz mon pou pardonn sa restan Izrael ki mon'n eparnyen.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Nonm 14:19

Alor, pardonn fot sa pep dapre ou gran fidelite, parey ou'n pardonn zot depi zot in kit Lezip.”

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.