Psonm 85:12 - Labib An Kreol Seselwa

¹² SENYER ava li menm anmenn boner e nou pei ava prodwir plis.

Psonm 85:12 ပူးပေါင်းရင်းမြစ်များ

Psonm 67:6

Later in donn son bann rekolt; Bondye, nou Bondye in beni nou.

Psonm 72:16

Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Ezai 32:15

ziska zour Lespri sorti lao dan lesyel ava desann lo nou. Alor, dezer pou vin en plantasyon fri, en verze ki vin parey en lafore.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Levitik 25:19

Pei ava prodwir son fri; zot ava annan dekwa manze e viv la an sekirite.

Levitik 26:4

mon ava donn zot lapli an sezon. Later ava prodwir bann rekolt e bann pye dibwa ava raport fri.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Matye 13:23

Bann lagrenn ki tonm dan bon later, zot parey sa bann dimoun ki antann Laparol e konpran li. Zot raport bokou fri, serten 100, serten 60 e serten 30.”

Matye 13:8

Me en lot parti lagrenn ti tonm dan bon later; zot ti donn bokou fri. Serten ti raport 100, serten 60 e serten 30.”

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Akt de Zapot 21:20

Apre ki zot ti'n antann li, zot ti rann glwar Bondye. Answit, zot ti dir Pol, “Frer! Ou war ki i annan plizyer milye Zwif ki'n aksepte lafwa. Me zot tou, zot atase avek Lalwa.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.