Psonm 83:4 - Labib An Kreol Seselwa

⁴ Zot dir: Vini! Annou fer zot disparet koman en nasyon; fer sa non Izrael ganny oubliye pour touzour.

Psonm 83:4 ပူးပေါင်းရင်းမြစ်များ

Nehemi 4:2

I ti dir devan son bann frer e dan prezans larme Samari, “Ki sa bann Zwif bonnaryen pe fer la? Eski zot pou reisi repar zot lavil pour ofer sakrifis ladan? Eski zot pou fini en zour? Eski zot pou kapab fer reviv bann ros e fer zot sorti dan sa ta debri ki'n ganny brile par dife?”

Psonm 74:8

Zot ti dir dan zot menm: Annou kraz zot konpletman. Zot ti met dife dan tou bann landrwa sen dan pei, kot zot ti rankontre Bondye.

Egzod 1:10

Nou bezwen azir avek lasazes anver zot, pour ki zot pa ogmante. Si en lager i deklare, zot ava kapab zwenn avek nou bann lennmi pour lager kont nou, apre sove dan pei.”

Proverb 1:12

Annou anval zot vivan, parey dan lemonn lanmor, zot lekor antye pou parey sa bann ki al dan pwi.

Zeremi 11:19

Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Zeremi 31:36

Osi lontan ki sa lord natirel pa sanze, bann desandan Izrael pou kontinyen egziste koman en nasyon, SENYER ki deklare.

Zeremi 48:2

Moab in perdi son repitasyon. Depi Hesbonn, lennmi in fer konplo kont li: Vini, annou al detri sa lavil parmi bann nasyon! Ou osi, Madmen, ou pour ganny detri; lepe pour pourswiv ou.

Ezekyel 38:10

La sa ki Senyer BONDYE i deklare: Sa zour, toudsort lide pou mont dan ou lespri. Ou ava form en proze ki anmenn maler.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Akt de Zapot 4:17

Pour anpes sa nouvel fann plis parmi lepep, annou averti zot ki nou defann zot koz ankor avek nenport ki lo non Zezi.”

Zozye 9:2

ti rasanble e met zot dakor pour konbat Zozye ek pep Izrael.