Psonm 82:5 - Labib An Kreol Seselwa

⁵ Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

Psonm 82:5 ပူးပေါင်းရင်းမြစ်များ

Liv Zob 8:9

Nou, nou fek ne yer, e nou pa konn nanryen. Nou lavi lo later i pas vit parey en lonbraz.

Psonm 11:3

Ki en dimoun zis i kapab fer kan fondasyon lasosyete in ganny detri?

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Psonm 53:4

Eski sa bann malfeter pa realize zot pe devor mon pep kan zot pe manz son dipen e ki zot pa rod Bondye?

Psonm 75:3

Later i kapab tranble avek tou son bann zabitan, me mon gard son fondasyon ferm.

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Proverb 1:29

Akoz zot ti deteste konnesans; akoz zot pa'n swazir pour obei SENYER;

Proverb 2:13

ek bann ki abandonn semen ladrwatir, pour pran semen fernwanr.

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Eklezyas 2:14

En dimoun saz i konnen kote i pe ale, me en zonm bet i tatonnen dan fernwanr. Pourtan, menm sor pe esper tou le de.

Eklezyas 3:16

La sa ki mon'n war ankor anba soley: Dan plas lalwa, i annan mesanste; la kot i devre annan lazistis, la ankor, i annan mesanste.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Ezai 59:9

Pour sa rezon ki lazistis i reste lwen avek nou e lazistis pa ariv ziska kot nou. Nou esper lalimyer, me i annan zis fernwanr. Nou esper lizour, me nou pe mars dan teneb.

Mise 3:1

Mon ti dir: Ekoute! Zot bann sef dan fanmir Zakob, bann ziz dan fanmir Izrael! Pa zot devre konnen kisisa lazistis?

Levanzil dapre Zan 12:35

Zezi ti reponn zot, “Lalimyer i avek zot, me pour ankor en pti pe letan. Pandan ki zot annan lalimyer, kontiny zot semen pour ki fernwanr pa sirprann zot. Sa enn ki mars dan fernwanr pa konnen kote i pe ale.

Levanzil dapre Zan 3:19

La ki mannyer Bondye pou pas son zizman: Lalimyer in vin dan lemonn, me akoz zot bann move aksyon, dimoun in pli kontan fernwanr.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

1 Zan 2:11

Sa enn ki deteste son frer, i dan fernwanr; i pe mars dan fernwanr. I pa konnen kote i pe ale, akoz fernwanr in rann li aveg.