Psonm 82:3 - Labib An Kreol Seselwa

³ Defann drwa bann pov ek bann orfelen. Rann lazistis bann malere e bann ki napa nanryen.

Psonm 82:3 ပူးပေါင်းရင်းမြစ်များ

Liv Zob 29:12

Annefe, mon ti sekour bann pov ki ti demann led, e bann orfelen abandonnen.

Liv Zob 31:21

si mon'n lev mon lanmen lo en orfelen akoz mon ti konnen ki ziz i lo mon kote,

Psonm 10:18

pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Egzod 23:3

Ou pa pou sanz ou temwannyaz dan en zafer par preferans pour en dimoun zis akoz i pov.

Egzod 23:6

Ou pa pou priv en pov son drwa dan en zafer.

Proverb 31:9

Koze! Ziz avek lazistis. Defann lakoz bann pov ek bann dezerite.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:16

I ti defann drwa bann pov ek bann malere, e tou keksoz ti mars byen. Sa enn ki azir dan sa fason, i montre ki i kontan mwan, SENYER.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Deterononm 10:18

I defann drwa bann orfelen ek bann vev; i kontan bann etranze, i donn zot manze ek lenz.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.