Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.
Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.
Pour sa rezon, montanny Izrael, ekout sa ki Senyer BONDYE i deklare avek bann montanny ek kolin, bann larivyer ek vale, bann landrwa devaste ek bann lavil abandonnen ki'n ganny depouye e kouver avek ensilt bann nasyon dan zalantour.
Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.
Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.