Psonm 80:1 - Labib An Kreol Seselwa

¹ Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Psonm 80:1 ပူးပေါင်းရင်းမြစ်များ

2 Samyel 6:2

David, avek tou son bann zonm, ti kit Baal-Zida pour retourn avek Kof Bondye, lo lekel non SENYER liniver i ganny envoke, ki asiz lo bann seriben, par lao Kof lalyans.

2 Rwa 19:15

Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.

Liv Zob 10:3

Ki plezir ou gannyen pour fer mwan soufer, pour ou mepriz ou prop kreatir e fer reisi proze bann malfeter?

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 5:1

SENYER! Ekout mon lapriyer. Pran ka avek mon konplent. Ekout mwan, akoz mon pe apel ou.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

Psonm 50:2

Depi Zerizalenm, sa lavil avek en labote parfe, SENYER i aparet dan lalimyer.

Psonm 55:1

Mon Bondye! Ekout mon lapriyer. Pa detourn ou vizaz devan mon siplikasyon.

Psonm 60:1

Mon Bondye! Ou'n rezet nou. Ou'n senm dezord parmi nou. Ou'n ankoler kont nou. Me aprezan, retabli nou.

Psonm 69:1

Mon Bondye! Sov mwan. Delo in mont ziska mon likou.

Psonm 77:20

Par lanmen Moiz ek Aaron, ou'n gid ou pep parey en troupo.

Psonm 78:52

Apre sa, i ti fer sorti son pep koman en troupo e gid zot dan dezer koman bann mouton.

Psonm 78:67

I ti rezet bann desandan Zozef; i pa ti swazir tribi Efraim,

Psonm 80:19

SENYER! Bondye liniver! Retabli nou. Fer ou vizaz briye lo nou. Sov nou.

Psonm 80:3

Mon Bondye! Retabli nou. Fer ou vizaz briy lo nou e sov nou.

Psonm 80:7

Bondye liniver! Retabli nou. Fer briye ou vizaz lo nou e sov nou.

Psonm 94:1

SENYER! Ou en Bondye ki fer vanzans; Bondye vanzans! Fer konnen ki ou ete.

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 60:1

Zerizalenm! Leve! Briye! Akoz ou lalimyer in arive e laglwar prezans SENYER in leve lo ou.

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Ezekyel 1:13

Parmi sa bann et vivan, ti annan en keksoz ki ti resanble labrez dife. I ti parey bann flanbo ki ti pe bouze toultan. Dife ti briye e zekler ti fannen.

Ezekyel 10:4

Laglwar SENYER ti sorti kot seriben e monte dan direksyon lantre tanp. En nyaz ti ranpli tanp, me lakour ti ganny iliminen par laglwar SENYER.

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Ezekyel 43:2

Mon ti war laglwar Bondye Izrael sorti lo kote Les. I ti parey tapaz en gro delo. I ti ekler later avek son laglwar.

Danyel 9:17

Aprezan, nou Bondye, ekout lapriyer ek bann siplikasyon ou serviter. Zet en regar favorab lo ou sanktyer ki'n ganny detri!

Levanzil dapre Zan 10:14

Mwan menm sa bon berze. Mon konn mon bann mouton, e mon bann mouton zot konn mwan.

Deterononm 33:2

I ti dir: SENYER in vini sorti Sinai, i'n aparet lo kote Seir, i ti briye depi montanny Parann. Pour zot, in vini depi rasanbleman Kades avek bann milye lanz. Dan son lanmen drwat, i ti tenir flanbo lalwa.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

1 Samyel 4:4

Lepep ti anvoy en group zonm Silo, pour al sers Kof lalyans Bondye liniver ki son tronn i ant bann seriben. De garson Eli, Hofni ek Fineas ti akonpanny Kof lalyans Bondye.